喜多嬉牡蠣屋 (已搬遷) 新店位置

任食生蠔、燒蠔、帆立貝等，可選擇60分鐘$398或90分鐘$498放題。我哋揀咗90分鐘～放題首先有九品前菜，豐富得來賣相靚！用靚靚木盒裝住。喜多嬉九品：日本直送象拔邦刺身、牡蠣茶漬飯、ニ色燒活白鰻、 天㷌羅秋葵、手工月見燒鳥串、天婦羅紫蘇葉吞拿魚蓉、牡蠣刺身、綜合沙律、日式漬物。象拔蚌刺身好鮮甜😍茶漬飯嘅湯夠鮮味。白活鰻爽口，鰻魚厚肉。天婦羅秋葵香脆。燒鳥串啖啖肉，有口感。點埋生蛋更滑。天婦羅紫蘇葉吞拿魚蓉，紫蘇葉香脆，吞拿魚蓉夠多。整體味道都非常好。放題當然唔少得任食生蠔、焗蠔及扇貝。呢度嘅生蠔真係高質👍🏻飽滿大隻！非常新鮮！鍾意食生蠔嘅人一定可以食好多！另外燒蠔味道都唔錯，有唔同嘅醬汁俾你加。扇貝大大隻，燒完之後都幾鮮味！另外牡蠣五島手延湯烏冬、牡蠣秘製撈五島手延鳥冬、喜多嬉牡蠣茶漬飯、燒味醂鰩魚翅等都係任食。我就鍾意食湯烏冬，烏冬幼身煙煙韌韌，好味😋 味醂鰩魚翅好香，點買沙律醬一流！飲品方便有汽水🥤、冷泡茶類都係任飲！我哋揀咗四季春清茶及蜜桃烏龍茶，大大枝又好飲！我哋另外仲散叫咗啲串燒。有A5一口和牛小排粒夠juicy! 燒鳥皮釀蝦膠外脆內軟。厚切牛舌芯郁爽口！活燒白鰻魚厚肉！