影片
更多
2005-05-30
3 浏览
中環是個福地, 你要食貴野, 貴貴都有很食. 你要食平野, 又好多選擇. 以前在中環工作, 由早餐, 午餐, 下午茶至晚飯都大把選擇, 後來搬左去長沙灣, 真係好似充軍塞外一樣.言歸正傳, 識得麥奀就應該識得沾仔記, 因為在威靈頓街打對台. 我地呢D 草根一族, 當然多數幫襯沾仔記. 最近佢地可能環境好左, 所以睇齊返干諾道中變返11 蚊, 不過都徇眾要求, 唔駛買飛排隊咁麻煩. 沾仔記只有三味可揀, 雲吞, 牛肉同鯪魚球. 我個人多數會叫雲吞麵. 雲吞一共有三粒, 好似乒乓波咁大, 多蝦小豬肉, 少了傳統雲吞的甘香, 鮮味亦談不上, 但啖啖肉又口感十足. 個麵底應是全蛋麵, 無梘水味, 麵身亦幼, 不過有時淥得唔夠淋, 略為硬身, 但做得好時候就好爽. 睇下你好唔好彩, 通常我會加D 紅醋, 味道十足.我去門口睇下介紹, 個湯底係大地魚豬骨加羅漢果. 唔知大家食唔食得出.雲吞麵當早餐又得, 午餐又得, 下午茶又得, 而家買緊11 蚊, 加埋罐水貨可樂都係14 蚊. 抵食之極.若果選一項香港特色食品, 有人會揀旦撻, 我就會揀雲吞麵.
言歸正傳, 識得麥奀就應該識得沾仔記, 因為在威靈頓街打對台. 我地呢D 草根一族, 當然多數幫襯沾仔記. 最近佢地可能環境好左, 所以睇齊返干諾道中變返11 蚊, 不過都徇眾要求, 唔駛買飛排隊咁麻煩.
沾仔記只有三味可揀, 雲吞, 牛肉同鯪魚球. 我個人多數會叫雲吞麵. 雲吞一共有三粒, 好似乒乓波咁大, 多蝦小豬肉, 少了傳統雲吞的甘香, 鮮味亦談不上, 但啖啖肉又口感十足.
個麵底應是全蛋麵, 無梘水味, 麵身亦幼, 不過有時淥得唔夠淋, 略為硬身, 但做得好時候就好爽. 睇下你好唔好彩, 通常我會加D 紅醋, 味道十足.
我去門口睇下介紹, 個湯底係大地魚豬骨加羅漢果. 唔知大家食唔食得出.
雲吞麵當早餐又得, 午餐又得, 下午茶又得, 而家買緊11 蚊, 加埋罐水貨可樂都係14 蚊. 抵食之極.
若果選一項香港特色食品, 有人會揀旦撻, 我就會揀雲吞麵.
张贴
