陳儀興玫瑰餐廳

营业中

休息中

每次揸車嚟新蒲崗，都見到呢間餐廳人頭湧湧，所以今日嚟呢度試吓。晚市有小菜同埋打邊爐，眼見六成嘅客都係打邊爐為主，不過我怕熱氣所以最後都係嗌小菜。拔絲咕嚕肉，雖然見唔到拔絲，但亦係好傳統正宗嘅咕嚕肉。外皮炸得夠火爐，肉質亦有咬口好淋，味道酸酸甜甜剛剛好。芥末牛柳粒亦選用質素唔錯的牛柳，牛肉味濃亦淋身，芥末味可以再濃啲會更好，煮法增加食慾開胃啲。胡麻鮮淮山，簡簡單單最緊要淮山新鮮，食得淮山多對健康都有幫助。蒜蓉粉絲蒸蝦都係大大件，粉絲配合蒜蓉好惹味。佢哋嘅小菜都係70幾蚊起，全部都好大碟，係呢啲街坊小店先至可以做到呢個份量，抵食夾大件。