影片
更多
2025-02-10
83 浏览
$1580有17-18品，備有稀有食材，加入分子料理元素，極高質好好味！💕重房Dinner $1580 （17-18品）☁️先付 - 蟹肉菠菜、日本煮花螺 ☁️刺身：▫️白子 - 口感特別，有少少似食緊豬腦花，軟綿綿嘅感覺，可以美顏。▫️黑鯥魚 - 火炙過迫出油份，入口即溶，加咗北海道麵豉醬、日本大蔥調味。▫️秋刀魚 - 點薑蔥豉油，好惹味，口感脆身。▫️松葉蟹 - 松葉蟹公肉，啖啖蟹肉又鮮甜。☁️份子料理：▫️重房signature拿破崙 - 由上至下：櫻花蝦、蝦膏醬、蝦刺身碎、鱈魚乾、鮟鱇魚乾，鮟鱇魚乾入邊溝咗黃蘿蔔粒，咬落去口感好得意，法包多士底層。好鮮甜，鮟鱇魚乾極濃郁，呢個真係勁好食！▫️腦天 、大拖羅 - 大拖羅好肥美，腦天係稀有食材，係吞拿魚嘅額頭位，每100kg魚只得1kg額頭。兩者加埋好邪惡。▫️神戶A4 牛肉刺身 - 份量好多，勁鮮甜😍 好少Omakase會有牛肉刺身食！溝埋紫洋蔥、雞蛋黃、甜酸汁、日本蔥、日本牙蔥，一流享受。▫️香箱蟹 - 打卡一流，師傅將檸檬汁倒入紫椰菜汁中，再幫你撈埋變成粉紅色，好靚。個粉紅色醬汁其實係蟹醋嚟，將蟹肉點少少汁食，提升鮮味。香箱蟹而家當
💕重房Dinner $1580 （17-18品）
☁️先付 - 蟹肉菠菜、日本煮花螺
☁️刺身：
▫️白子 - 口感特別，有少少似食緊豬腦花，軟綿綿嘅感覺，可以美顏。
▫️黑鯥魚 - 火炙過迫出油份，入口即溶，加咗北海道麵豉醬、日本大蔥調味。
▫️秋刀魚 - 點薑蔥豉油，好惹味，口感脆身。
▫️松葉蟹 - 松葉蟹公肉，啖啖蟹肉又鮮甜。
☁️份子料理：
▫️重房signature拿破崙 - 由上至下：櫻花蝦、蝦膏醬、蝦刺身碎、鱈魚乾、鮟鱇魚乾，鮟鱇魚乾入邊溝咗黃蘿蔔粒，咬落去口感好得意，法包多士底層。好鮮甜，鮟鱇魚乾極濃郁，呢個真係勁好食！
▫️腦天 、大拖羅 - 大拖羅好肥美，腦天係稀有食材，係吞拿魚嘅額頭位，每100kg魚只得1kg額頭。兩者加埋好邪惡。
▫️神戶A4 牛肉刺身 - 份量好多，勁鮮甜😍 好少Omakase會有牛肉刺身食！溝埋紫洋蔥、雞蛋黃、甜酸汁、日本蔥、日本牙蔥，一流享受。
▫️香箱蟹 - 打卡一流，師傅將檸檬汁倒入紫椰菜汁中，再幫你撈埋變成粉紅色，好靚。
個粉紅色醬汁其實係蟹醋嚟，將蟹肉點少少汁食，提升鮮味。香箱蟹而家當造，想食就快啲去book位喇🫣
☁️壽司：
▫️北海道白海膽+劍先魷魚壽司 -配搭非常好味，魷魚刺身爽脆鮮甜，加埋極鮮甜嘅白海膽，呢個配搭都幾新穎。
▫️中拖羅壽司 - 入口溶化。
▫️北海道帆立貝壽司 - 加咗烏魚子粉，帶子鮮甜加咗鹹鹹哋嘅烏魚子粉，又幾得意。
▫️池魚壽司 - 加咗日本炸蒜，魚味濃。
▫️白海膽Caviar魚子醬壽司 - 呢隻牌子嘅魚子醬好出名，果然名不虛傳，加埋白海膽味道好豐富。呢個係全晚之冠。
▫️湯品 - 重房singature熬製魚湯，加咗中菜元素，好鮮甜香濃。
☁️甜品 - 長野縣青提，又圓又甜。
张贴
