泰COOL (英皇道) (裝修中)

今日突然想食泰國野，就搵到呢間餐廳。食物大份，餸菜好多，自己一個食唔晒，午餐仲有一杯熱飲送。一個餐都係$58，大胃王之選。食物質素方面係好味，我就點左香葉肉碎煎蛋飯同埋巨型麵包釀咖哩牛腩，肉碎好夠味，咖喱唔辣，易入口，就算浸住咖喱汁既巨型面包口感仍然煙韌。環境座位闊落，有戶外座位，有鳥籠特色卡位，亦有大型鳥籠梳發位，好岩多人聚餐。