影片
以上资料只供参考，请与餐厅确认详情
-
网上订座服务暂停
呢间舖头环境可以, 可以坐户外, 可惜工作人员及食客出出入入, 又唔会闩返个门, 呢啲天气坐近门会热到癫咗.食嘢味道非常一般,当然价钱60几蚊咗右包热饮, 又免加一都唔可以要求太多. 但系要有心理准备入黎食野要受气. 因为所有工作人员服务态度都超级差, 我哋一行6人由落单去到用餐，只系用咗半个钟，杯野都未饮完, 收银𠮶个成日入嚟催我哋埋单，不停望我地, 喺附近行嚟行去, 仲要大力拍枱示意我哋埋单,唔知以为自己去咗问米既地方, 到埋单既时候我用支付宝, 佢冇唔紧要,但态度又系好衰, 要求我用其他方法俾钱都好冇礼貌 , 令到我觉得俾钱食餐饭都好受气，唔会再有下一次帮衬！嚟紧帮衬嘅人自己心里有数!！1. 舖头食嘢味道非常一般.2. 全体员工服务态度超级差.3. 收银员工成日入嚟敲台示意我们埋单.4. 没有支付宝，收银更无礼貌地示意用其他方法付款.结论：永久列入黑名单！
继续阅读
一间服务态度非常差嘅食店，话说11：53分先落单，12：38分就有位中年亚姐过来话出面人多要执嘢，但当时我哋仲有一位未食晒…我就望下表，落咗单…都未计啲嘢到嘅时间，都只系45分钟左右。我就讲咗句‘吓…一个钟都未有㖞’。果个亚姐态度极差话‘依家食饭时间…个个食一个钟边得呀？’。原来依家系香港食饭…食一个钟都唔俾。
继续阅读
🇹🇭泰国菜 🚹1-6人 💛——————同栋大厦有几间餐厅🍴都收8点，𠮶日🐻🐻❄️ 7点几先谂食边间餐厅🤣就拣咗食呢间💯串烧拼盘（大）$118猪颈肉烤得非常香脆😋猪牛鸡串烧啖啖肉，表面烧到微干，入面依然保持本来肉质嘅可口🤤推荐！🍞咖哩软贝壳蟹酿焗面包$178软贝壳蟹好脆，黄咖哩好浓味、完全唔辣😋配上外皮偏硬、接近法包🥖质地嘅面包🤤一开始食真系觉得好正🤤加上餐厅好细心💛面包已经切开，摆到好似开花🌼、几IG-able📸又方便逐块叉嚟食🤣🐻❄️：不过食到尾面包吸尽咖哩汁🤣就会好浓味～🐻：建议多啲人嚟再叫，可以再加白饭🤤一齐食，会再正啲～🥥香芒椰子奶$36芒果味重过椰子味，不过食浓味菜式系要配返杯饮品嘅～😛当日埋单仲有88折，性价比都ok👌🏽啦～结论：啱一大班人一齐食👍🏽😆
继续阅读
今日突然想食泰国野，就揾到呢间餐厅。食物大份，𩠌菜好多，自己一个食唔晒，午餐仲有一杯热饮送。一个餐都系$58，大胃王之选。食物质素方面系好味，我就点左香叶肉碎煎蛋饭同埋巨型面包酿咖哩牛腩，肉碎好够味，咖喱唔辣，易入口，就算浸住咖喱汁既巨型面包口感仍然烟韧。环境座位阔落，有户外座位，有鸟笼特色卡位，亦有大型鸟笼梳发位，好岩多人聚餐。
继续阅读
入座未够一个钟，个西脸短发女员工就赶人走，仲话咩香港地依家食饭冇一个钟，得半个钟，服务态度差，仲话咩你投诉我都冇用。一黎半个钟就赶人走，二黎入座都冇讲话得半个钟，出面又冇人等位，而隔离个枱仲早过我同朋友入座都未赶人走，攞明恰后生女啦。食物质素又劲差，个串烧炒饭上枱系暖唔热，个串烧又劲「鞋」，超级难食。希望管理层正视问题，特别系员工素质同食物素质，否则等执笠。经过今次以后都唔会帮衬，同埋唔会推荐朋友黎食。
继续阅读