影片
更多
2019-10-22
2203 浏览
今日同老闆同埋一班同事一齊嚟到南丫島食海鮮。呢餐當然就係老闆請啦，所以大家盡情咁叫唔同嘅海鮮食。有好多我都影唔切就已經俾人搶晒嚟食，不過唔緊要，影到幾多就介紹幾多啦清蒸大蝦，大大隻蝦，蝦味十分之鮮甜，蝦肉好爽口，小小豉油已經帶出到蝦嘅鮮味，正！香蔥蒜蓉粉絲貴妃蚌，蒜味香濃，加埋新鮮嘅貴妃蚌好鮮味，d 粉絲索曬 d 汁都好好食芝士龍蝦伊麵，龍蝦鮮甜，伊面都好煙韌，但係略嫌芝士味唔夠濃酥炸小白菜，估唔到菜都可以炸成咁，外面非常之鬆脆，食唔出入面係菜，味道都唔錯果皮蒸鮑魚，鮮嫩有咬口嘅鮑魚，有少少果皮嘅清香，同事覺得好好味，不過我一向對鮑魚都麻麻，所以感覺一般呢餐應該都唔平，不過唔理佢啦，有老細埋單，多謝老闆！😂
清蒸大蝦，大大隻蝦，蝦味十分之鮮甜，蝦肉好爽口，小小豉油已經帶出到蝦嘅鮮味，正！
香蔥蒜蓉粉絲貴妃蚌，蒜味香濃，加埋新鮮嘅貴妃蚌好鮮味，d 粉絲索曬 d 汁都好好食
芝士龍蝦伊麵，龍蝦鮮甜，伊面都好煙韌，但係略嫌芝士味唔夠濃
酥炸小白菜，估唔到菜都可以炸成咁，外面非常之鬆脆，食唔出入面係菜，味道都唔錯
果皮蒸鮑魚，鮮嫩有咬口嘅鮑魚，有少少果皮嘅清香，同事覺得好好味，不過我一向對鮑魚都麻麻，所以感覺一般
呢餐應該都唔平，不過唔理佢啦，有老細埋單，多謝老闆！😂
张贴
