影片
更多
2022-02-13
20 浏览
平日返工經過總是長長的人龍，是日星期六居然無人排，即刻入去試下先。小店大概有十個坐位左右，主要做外賣生意，有漢堡、意粉、小食等，食材就牛豬雞海鮮同素都有，幾多元化吖。自助落完單後就坐低等食，雖然未排隊等位，但店內都坐滿㗎。食物全部即叫即做，加上唔少外賣單，大概都等左廿十分鐘先有得食，全部熱辣辣正呀！點左兩個漢堡，兩份都轉做餐，跟餐嘅小食都有幾款揀，仲可以upgrade加醬汁，同upgrade變特飲添。影下同事嘅西冷黑松露水牛芝士漢堡先，大大個好厚身，點解叫西冷？因為佢唔係漢堡扒，真係牛扒切片㗎，牛味十足仲帶唔少牛脂，同事話有肥牛嘅感覺，哈哈。其他配料有蘑菇、青瓜、洋蔥等，唔少得仲有好澎湃嘅芝士同香味十足嘅黑松露醬啦，整體感覺豐富又有層次，高水準之作。同事個小食叫咗麻辣雞翼，雞翼就係一般嘅炸雞翼冇乜特別啦，但係個麻辣汁真係好正，夠麻又夠香，仲有唔少花生碎，正到要倒哂啲汁落個沙律到唔好嘥咗佢。自己就叫咗呢個新春限定嘅扮豬食老虎漢堡，入面夾嘅係鹹豬手肉，幾特別喎，醬汁就用上蜜糖芥末同花生醬，又甜又香好好味，同豬手好夾，配菜有菠菜葉、紅蘿蔔絲、同酸椰菜，清新又去膩，整體感覺不俗。跟餐小食就叫咗
小店大概有十個坐位左右，主要做外賣生意，有漢堡、意粉、小食等，食材就牛豬雞海鮮同素都有，幾多元化吖。
自助落完單後就坐低等食，雖然未排隊等位，但店內都坐滿㗎。食物全部即叫即做，加上唔少外賣單，大概都等左廿十分鐘先有得食，全部熱辣辣正呀！
點左兩個漢堡，兩份都轉做餐，跟餐嘅小食都有幾款揀，仲可以upgrade加醬汁，同upgrade變特飲添。
影下同事嘅西冷黑松露水牛芝士漢堡先，大大個好厚身，點解叫西冷？因為佢唔係漢堡扒，真係牛扒切片㗎，牛味十足仲帶唔少牛脂，同事話有肥牛嘅感覺，哈哈。其他配料有蘑菇、青瓜、洋蔥等，唔少得仲有好澎湃嘅芝士同香味十足嘅黑松露醬啦，整體感覺豐富又有層次，高水準之作。
同事個小食叫咗麻辣雞翼，雞翼就係一般嘅炸雞翼冇乜特別啦，但係個麻辣汁真係好正，夠麻又夠香，仲有唔少花生碎，正到要倒哂啲汁落個沙律到唔好嘥咗佢。
自己就叫咗呢個新春限定嘅扮豬食老虎漢堡，入面夾嘅係鹹豬手肉，幾特別喎，醬汁就用上蜜糖芥末同花生醬，又甜又香好好味，同豬手好夾，配菜有菠菜葉、紅蘿蔔絲、同酸椰菜，清新又去膩，整體感覺不俗。
跟餐小食就叫咗蕃茄芝士沙律，滿滿一兜蔬菜很清爽，醬汁酸酸地好開胃，上面唔少芝士碎好正，不過個名叫做蕃茄芝士沙律，我覺得蕃茄嘅比例好似有小左嗰啲，叫返做菜沙律得啦？哈哈。
最後仲有飲品，同事叫杯熱咖啡，咁當然唔夠咖啡店嘅做得靚啦，但係夠熱個啡又香，合格。
自己就叫咗呢期廣告好紅嘅OOHA柚子海鹽味汽水，標榜零糖零卡路里，至於味道都係一般零糖嘅飲品味。
人均消費一百蚊左右，唔使加一又有位坐，加上食物有水準，都幾抵食呀。
张贴
