影片
更多
2017-11-02
463 浏览
每月一聚又黎喇, 大家都甘鐘意打邊爐, 好在香港多好既火鍋店, 先可以延續我地既gathering!今日黎到漁火, 朋友介紹呢度用料新鮮, 而且座位寬闊坐得舒服, 最岩比我地吹水坐耐d 都唔驚!調味料九工格. 見到就知道係大拆一餐既節奏, 仍然係生熟蒜, 芫茜, 辣椒 既天下, 實在係缺一不可!!!雙拼火鍋湯底 - 自家鮮魚清湯鍋 + 台式正宗麻辣鍋+20 蚊就可以滿足你有辣有唔辣既慾望,! 鮮魚清湯鍋好觧, 清清地, 最岩用黎滾下菜, 未滾其他食材前飲一口,真係幾鮮, 無味精, 飲完唔覺口渴~!麻辣鍋夠麻, 最鍾意麻刑個口痺既感覺! 為左迎合香港人口味, 店主話唔會整到太辣, 如果食得辣既就可以叫佢地整辣D, 打邊爐就係甘隨意, 真係豐儉由人呀!竹笙打邊爐必叫! 爽口又可以索湯底. 竹笙都幾貴, 任食打邊爐未必可以食到, 所以今次必叫! 洗得好乾淨, 口感爽脆,加埋鮮魚清湯真係一絕!簡簡單單都可以好好食!招牌雲吞王 + 自家帶子餃可以揀雙拼就可以滿足你多個願望 雲吞王甘大隻就知道超足料, 入面有原隻鮮蝦, 爽口彈牙, 必定係自家製, 唔係求其入貨! 相對帶子餃比較清淡, 可能係因為
每月一聚又黎喇, 大家都甘鐘意打邊爐, 好在香港多好既火鍋店, 先可以延續我地既gathering!
今日黎到漁火, 朋友介紹呢度用料新鮮, 而且座位寬闊坐得舒服, 最岩比我地吹水坐耐d 都唔驚!
調味料九工格. 見到就知道係大拆一餐既節奏, 仍然係生熟蒜, 芫茜, 辣椒 既天下, 實在係缺一不可!!!
雙拼火鍋湯底 - 自家鮮魚清湯鍋 + 台式正宗麻辣鍋+20 蚊就可以滿足你有辣有唔辣既慾望,! 鮮魚清湯鍋好觧, 清清地, 最岩用黎滾下菜, 未滾其他食材前飲一口,真係幾鮮, 無味精, 飲完唔覺口渴~!麻辣鍋夠麻, 最鍾意麻刑個口痺既感覺! 為左迎合香港人口味, 店主話唔會整到太辣, 如果食得辣既就可以叫佢地整辣D, 打邊爐就係甘隨意, 真係豐儉由人呀!
竹笙打邊爐必叫! 爽口又可以索湯底. 竹笙都幾貴, 任食打邊爐未必可以食到, 所以今次必叫! 洗得好乾淨, 口感爽脆,加埋鮮魚清湯真係一絕!簡簡單單都可以好好食!
招牌雲吞王 + 自家帶子餃
可以揀雙拼就可以滿足你多個願望
雲吞王甘大隻就知道超足料, 入面有原隻鮮蝦, 爽口彈牙, 必定係自家製, 唔係求其入貨!
相對帶子餃比較清淡, 可能係因為無加其他雜料. 帶子一絲絲, 都係足料之作
脆骨腩
超級推介!!!!!好新鮮, 爽脆! 放入麻辣湯底果邊真係好正! 脆肉鯇真係打邊爐必叫!! 呢度真係好好食!! 份量真係多多都唔夠呀!!!!
墨魚滑新鮮, 彈牙, 應該都係自家製, 非常足料, 份量都幾多
午餐肉
午餐肉煎香左, 上到台已經好香, 原來煎香左真係唔同D, 唔使滾甘耐, 放入爐滾3~4下, 索左湯汁之餘, 可以保持住少少煎香左既脆. 平時無煎過就甘上台真係無甘好食呢! 估唔到午餐肉煎一煎先就立即唔左!
豆苗係我最鐘意食既荷蘭豆苗!!!好香菜味, 爽口!
極品黑豚腩肉
因為我唔食牛既關係, 腩肉係我心目中打邊爐既重要性都幾高, 好多店都專注做好牛肉, 但就忽略豚肉. 呢度既豚肉唔錯, 新解, 而且夠肥!!! 豚肉如果太瘦就會好鞋, 要有適量既脂肪先會香滑. 咬落去肉汁滲出, 正!!!
深海龍躉片
第一次打邊爐食龍躉片~ 龍躉片滾完都唔會散開, 肉質結實, 但又唔會好似到脆鯇甘. 就肉質來說應該非常新鮮. 建議放D去清湯果度, 試試龍躉片既鮮味~
響鈴大條, 比平時食到既薄, 所以滾一下就可以拎起. 無油溢味
食完熱野, 原來仲可以叫D魚生食!!!!
油甘魚刺身厚切, 新鮮, 打邊爐食完熱野, 再食D刺身又幾新鮮~~!
龍蝦刺身
第一次食龍蝦刺身, 雖然有D殘忍, 但龍蝦黎到時觸鬚仲識郁, 好明顯係即叫即劏, 非常新鮮!!!龍蝦肉好甜, 爽口. 加埋蟹子更添鮮味同口感!!! 店員建議龍蝦頭同尾可放去火爐滾滾. 令湯底更鮮~
打邊爐最緊要用料新鮮!!漁火有埋刺身食, 令到成件事鮮上加鮮! 坐得舒服, 好多卡位私隱度高, 方便大家講野又坐得舒服! 香港真係愈來愈高質量既火鍋店, 競爭甘大真係少D板虎都唔得!!
张贴
