CURATOR Art & Café (已結業)

約咗朋友特登出尖沙咀睇燈飾,唔知食咩好就上網搵咗呢間餐廳。佢啲藝術咖啡真係好吸睛。 當晚早到但都要等位,等位嘅人數都好多,walk in 都爆滿曬,要一早預約先有位,等咗大約十五分鐘就到我哋,我哋唔想煩而嗌咗當日嘅set dinner。嚟呢間餐廳食嘢當然係食環境,我覺得食物質素係屬於一般。主食鑽石米形粉都係第一次食,口感比較特別,似米飯或珍珠米。總括嚟講份量屬於一般,女士可能適合,但若男士就可能覺得不足夠。焦點當然係個手作咖啡,圖案好似畫上去咁,完全唔知道係一杯咖啡,十分之靚。仲可以自訂圖案或者佢餐廳環境嘅圖案可以自選咖啡嘅樣式,十分特別。