立雜炒麵 (已結業)

06/11/2007..........22:00放工後想找小吃，想起未來過太安樓，就由灣仔坐地鐵過來；鄉下佬出到城當然要周圍見識吓。差不多10點半都重有頗多選擇，車仔麵、粥、腸粉、THAI FOOD、港式煎炸小食、糯米飯等等。最後决定試這裏的立雜炒麵，原因簡單不過：即叫即炒，夠鑊氣！叫咗一客炒麵＄16.......其他有丁麵、河粉、米粉等等。好！事頭婆開枱執料，牛肉、豬肉各一片、火腿絲、獅子狗魚旦、炸蝦餅各少許，偏偏紅腸就比較多。事頭工首先下油爆香洋葱，然後加麵、生料、牙菜、醬油等勁炒！！！各位：要做到爐火純青...並非一朝一夕。就以事頭工為例；雖然佢埋頭苦幹地為人客勁炒粉麵，但就當他勁炒的同時，煎PAN內的材料亦隨著節拍勁跌落地！牙菜呀、獅子狗魚旦呀、紅腸最多！大家有睇過(戰狼300)的話，就能夠想像到亞事頭工將敵人推落縣涯那景象...................當戰事結束後，小第還是要在隔離檔補飛多一碗柴魚花生粥＄11。