影片
更多
2018-05-17
213 浏览
我終於明白點解呢間餐廳叫做Cafe paradise...一入到去嘅時候，因為太肚餓，我好快就已經喺度望緊Menu，都唔得閑理其他野。叫咗個all day breakfast, 之後就開始坐喺度等嘢食。當我回過神來嘅時候，先發覺，大鑊！呢間餐廳起呢個名嘅原因，可能係想客人都好似去咗天堂一樣，播嘅音樂全部都係宗教色彩極濃嘅歌，全部都係讚頌上帝、讚美主。No offense, 我對於呢個宗教完全冇任何意見，但係個人應為係餐廳播放一啲宗教歌曲好似唔係幾好。你要知道入得黎嘅客人未必個個都係基督徒或者天主教徒，就算有啲冇宗教信仰嘅人，都或者未必鍾意聽呢種歌曲 (本人就係其中一個)。食物終於嚟啦，講真，呢個早餐真係冇得頂。我都幾鍾意食個薯餅，金黃色炸得啱啱好，顏色好靚，咬落脆卜卜，有少少油份但又唔會太膩。個窩夫好特別啊，中間竟然係吉士醬，本身仲諗緊點解食窩夫唔會比糖漿我哋呢？原來內有乾坤，custard味道討好，唔會太甜，而呢個窩夫比較稔身，自己都幾鍾意食。炒蛋都做得唔錯，不過不失，我鍾意呢啲仲有少少生嘅感覺，先可以做到滑身。不過都係果句，音樂始終係一樣十分影響人類食慾嘅元素，為咗唔想影響我進食嘅
一入到去嘅時候，因為太肚餓，我好快就已經喺度望緊Menu，都唔得閑理其他野。叫咗個all day breakfast, 之後就開始坐喺度等嘢食。當我回過神來嘅時候，先發覺，大鑊！
呢間餐廳起呢個名嘅原因，可能係想客人都好似去咗天堂一樣，播嘅音樂全部都係宗教色彩極濃嘅歌，全部都係讚頌上帝、讚美主。
No offense, 我對於呢個宗教完全冇任何意見，但係個人應為係餐廳播放一啲宗教歌曲好似唔係幾好。你要知道入得黎嘅客人未必個個都係基督徒或者天主教徒，就算有啲冇宗教信仰嘅人，都或者未必鍾意聽呢種歌曲 (本人就係其中一個)。
食物終於嚟啦，講真，呢個早餐真係冇得頂。我都幾鍾意食個薯餅，金黃色炸得啱啱好，顏色好靚，咬落脆卜卜，有少少油份但又唔會太膩。
個窩夫好特別啊，中間竟然係吉士醬，本身仲諗緊點解食窩夫唔會比糖漿我哋呢？原來內有乾坤，custard味道討好，唔會太甜，而呢個窩夫比較稔身，自己都幾鍾意食。
炒蛋都做得唔錯，不過不失，我鍾意呢啲仲有少少生嘅感覺，先可以做到滑身。
不過都係果句，音樂始終係一樣十分影響人類食慾嘅元素，為咗唔想影響我進食嘅心情，我同朋友都決定放棄傾計，默默地戴上耳機，各自開餐。
张贴
