影片
更多
2025-02-23
179 浏览
開宗明義我就係為咗食七龍珠而黎呢度，見到日本有得食，而呢度亦都引入咗咁特別嘅卷物，我點可以唔嚟一試。 🍖所以先從呢個卷物開始講起，淨系睇張相都大陣仗，食呢個嘢最緊要系食之前一定要睇吓同影低個種震撼，師傅會首先用紫菜包住飯粒，跟住一層一層咁加上雞蛋黃，青瓜，三種吞拿魚，海膽。卷埋一齊，再切成等分。再放上唔同嘅龍珠圖案碟，我個隻咁岩係神龍，真係好有收集龍珠， 召喚成功嘅感覺。 🍖翻返嚟Omakase 個餐，其實總共有八件壽司，全部都質量好高，由第一件池魚開始，我已經知道要好好期待。池魚，魷魚，貝柱，左口，靖魚，瀨尿蝦，大拖羅，海膽。全部系用醋飯，唔使自己點汁，而且味道更加提升。總括一下味道，大拖羅同左口最好味，油份充足，滑入口入面，又夠曬香，左口用火燒過，油脂更加豐富；魷魚有驚喜，切成細條，加上有顏色嘅芝麻，同埋海鹽，加強咗味道之外，又提供crunchy嘅口感；用紫菜包住嘅壽司，會留一條小小嘅尾巴，好睇之餘又唔怕醋飯會影響紫菜嘅脆脆口感。兩款魚既壽司， 同開首嘅鯛魚同富士山三文魚刺身一樣係新鮮嫩滑，我尤其鍾意三文魚，因為佢仲用咗煙薰槍，做咗一個好靚嘅煙球，然後瞬間化成煙燻嘅味道，食嘅時候味
🍖所以先從呢個卷物開始講起，淨系睇張相都大陣仗，食呢個嘢最緊要系食之前一定要睇吓同影低個種震撼，師傅會首先用紫菜包住飯粒，跟住一層一層咁加上雞蛋黃，青瓜，三種吞拿魚，海膽。卷埋一齊，再切成等分。再放上唔同嘅龍珠圖案碟，我個隻咁岩係神龍，真係好有收集龍珠， 召喚成功嘅感覺。
🍖翻返嚟Omakase 個餐，其實總共有八件壽司，全部都質量好高，由第一件池魚開始，我已經知道要好好期待。池魚，魷魚，貝柱，左口，靖魚，瀨尿蝦，大拖羅，海膽。全部系用醋飯，唔使自己點汁，而且味道更加提升。總括一下味道，大拖羅同左口最好味，油份充足，滑入口入面，又夠曬香，左口用火燒過，油脂更加豐富；魷魚有驚喜，切成細條，加上有顏色嘅芝麻，同埋海鹽，加強咗味道之外，又提供crunchy嘅口感；用紫菜包住嘅壽司，會留一條小小嘅尾巴，好睇之餘又唔怕醋飯會影響紫菜嘅脆脆口感。兩款魚既壽司， 同開首嘅鯛魚同富士山三文魚刺身一樣係新鮮嫩滑，我尤其鍾意三文魚，因為佢仲用咗煙薰槍，做咗一個好靚嘅煙球，然後瞬間化成煙燻嘅味道，食嘅時候味道依然縈繞整個口腔。仲有個生蠔，佢個殼好特別，超級靚，肉質好爽而且好鮮甜。
🍖當然唔可以少得講兩樣我覺得僅次於龍珠最有特色嘅兩人食物，胺康魚肝泡芙同埋甜品。泡芙系熱辣辣，外面好脆，入面嘅胺康魚肝好濃郁，濃郁系因為本身質料好，亦都係因為加熱過。至於個刨冰真係賞心樂事，睇住師傅攞咗一塊正正方方嘅冰磚，起勢咁刨，又細心咁切兩款唔同顏色嘅士多啤梨，紅色加粉紅色，再淋上醬汁同埋煉奶，成個presentation靚到要拍片。呢兩個一熱一凍，大家都要重點留意。
我哋其實仲叫咗個5件壽司烏冬定食，壽司質素當然一樣咁好，如果烏冬熱辣辣，真係啱曬呢個冬天嘅時間。
张贴
