影片
更多
2023-12-10
27 浏览
《壽兵衛-壽喜燒專門店- 銅鑼灣》一見到銅鑼灣就知，又係星期三例行工作之後的一餐。今餐係同朋友食我最愛嘅關西風壽喜燒，我只能講，今晚係土豪式食法日式 Fine dining！我叫左個Supreme Wagyu Set $1280！朋友就係 Deluxe Wagyu Set $980，強烈提醒大家唔好因為叫到牛肉份量以片計好似好少就叫多左，我地呢餐冇add on叫牛，最後飽到食唔落打包咗好多野食走！前菜三點—醬油漬鮑魚、鮟鱇魚肝、蟹膏豆腐兩個級別唯一一樣就係呢個前菜，賣相清雅，用料上乘得黎不帶俗氣。醬油漬鮑魚吸收咗醬油嘅精髓，令每一口都包含深沉嘅海洋之味。鮑魚嘅質感緊緻，咬落去彈牙又多汁。鮟鱇魚肝口感相當粉嫩，味道濃郁與細膩，鮮得黎甘甜不帶苦。特別想講上面個蘿蔔蓉清油膩之餘帶有微辣，有提鮮作用，加分。蟹膏豆腐，雖然我喜歡食鮑魚，但三樣入面我覺得呢味做得最好，蟹膏味道濃郁，鮮美與豆腐嘅清爽相互映襯，層次分明、口味豐富。刺身— 牡丹蝦(Supreme餐才有) 帆立貝 鰤平魚 赤身黎到刺身部份，Supreme set個擺盤Grand d，同埋有多隻牡丹蝦。帆立貝同赤身係好新鮮，尤其赤身，如身我
一見到銅鑼灣就知，又係星期三例行工作之後的一餐。今餐係同朋友食我最愛嘅關西風壽喜燒，我只能講，今晚係土豪式食法日式 Fine dining！我叫左個Supreme Wagyu Set $1280！朋友就係 Deluxe Wagyu Set $980，強烈提醒大家唔好因為叫到牛肉份量以片計好似好少就叫多左，我地呢餐冇add on叫牛，最後飽到食唔落打包咗好多野食走！
前菜三點—醬油漬鮑魚、鮟鱇魚肝、蟹膏豆腐
兩個級別唯一一樣就係呢個前菜，賣相清雅，用料上乘得黎不帶俗氣。醬油漬鮑魚吸收咗醬油嘅精髓，令每一口都包含深沉嘅海洋之味。鮑魚嘅質感緊緻，咬落去彈牙又多汁。
鮟鱇魚肝口感相當粉嫩，味道濃郁與細膩，鮮得黎甘甜不帶苦。特別想講上面個蘿蔔蓉清油膩之餘帶有微辣，有提鮮作用，加分。
蟹膏豆腐，雖然我喜歡食鮑魚，但三樣入面我覺得呢味做得最好，蟹膏味道濃郁，鮮美與豆腐嘅清爽相互映襯，層次分明、口味豐富。
刺身— 牡丹蝦(Supreme餐才有) 帆立貝 鰤平魚 赤身
黎到刺身部份，Supreme set個擺盤Grand d，同埋有多隻牡丹蝦。帆立貝同赤身係好新鮮，尤其赤身，如身我都覺得其實Supreme應該俾返拖羅，但食過覺得呢個赤身都幾出色，唔會有渣／韌，頗嫩。鰤平魚油香強烈，所謂「肥美」就係呢個樣子，一口滑落！墨魚汁茶碗蒸
墨魚汁茶碗蒸賣相真係幾吸引， 墨魚汁個味本身就香濃，加上茶碗蒸本身就係用高湯做味底，係濃郁到飛起。三文魚子同墨魚仔就為個茶碗蒸加左一份海洋嘅鮮甜。
海膽和牛他他＋生和牛芽蔥卷
食左咁耐，終於有牛！由味清到味濃，第一道牛理所當然是生牛。海膽係好奇妙嘅食身，新鮮味濃卻不曾蓋過主覺的味道。大家都知和牛油脂多，令到做牛肉他他時，好似做到入口溶化的口感。我特別想讚一下入面落左蘋果碎，海膽同牛濃味，有蘋果碎令味道提升之餘，又更強了口感的層次。生和牛芽蔥係簡單用生和牛包芽蔥，以魚子醬提味，要對食材好有信心先敢完全唔調味架！美國熟成肉眼拼牛舌＋和牛西冷＋和牛肉眼
食到呢度我其實已經半飽，終於都到壽喜燒。美國熟成肉眼因為水份少左同肌肉組織分解，肉質會變軟，味道亦會濃，師傅用左蘭王蛋俾我地撈黎食，超濃厚嘅組合。牛舌佢係厚切！上面灑上雪鹽提味，雪鹽本身味道很溫和，再同酸汁同洋蔥撈埋一口食入口，好正！再黎入正題！和牛肉眼，入口即溶唔使講，油香四溢價而西冷就食牛味比較多，當然食得和牛，入口即溶係基本。師傅專登一人俾左一口飯我地，岩手縣產，叫一見鍾情飯，聽到個名笑左！但的確係幾夾。和牛的話師傅俾左第二種口味清而滑身嘅蛋我地撈，唔同牛配唔同蛋，食得刁鑽。
季節野菜盛盒
食完牛，我基本上已經收檔，見到呢個野菜盛盒嘅份量我嚇左一跳。師傅用壽喜燒汁調味荻煮野菜，令蔬菜吸收哂d汁，十分香濃。可惜我已經飽到摺摺地埋，食唔哂...
吸物甘物
食唔落，都唔會錯過呢個清香嘅舞茸菇清湯，解膩又暖身！令味覺得以休息一下。真心，飲完好舒服，回復返少少戰力。釜飯＋黑松露和牛炒烏冬
釜飯以松葉蟹為主軸加入枝豆同黑松露醬提味，最誇張係師傅成豌三文魚子俾我，話任加唔嬲！真係痴孖根。另一個餐就跟個黑松露和牛炒烏冬，都係用返特製嘅壽喜燒汁炒，和牛的油脂，黑松露的香味，由於烏冬比較掛汁而顯得格外濃烈！豆腐雪糕拼日本蜜瓜
我不嬲講甜品係另一個胃，完全冇難度清哂！清新嘅豆腐雪糕配甜度超高嘅日本蜜瓜，好耐冇食日本餐廳的豆腐雪糕，好懷念細個同媽媽食日本野，就係最期待呢個豆腐雪糕，今餐滿足！記得冇咩都唔駛加牛，太飽了！
张贴
