炊豕店 (加路連山道) (已結業)

炊豕店係我係銅鑼灣一間回頭率極高既餐廳，當身處銅鑼灣想食個便飯既時候就一定會諗起炊豕店。炊豕店最出名既除左係佢既豬扒之外就係餐廳入面既懷舊擺設。🐷👅今晚就食左佢地既🥢蔥油豬扒飯🥢鹵水雞翼🥢椒鹽魷魚鬚🥢唐揚炸雞🤩🐷蔥油豬扒飯係我之前黎食都未有既今次就係佢地既招牌炸豬扒飯上面加左一大羹既蔥油，蔥油既果種咸香加上炸豬扒原來係咁夾🤪炊豕店既炸豬扒係薄炸粉既炸法，咬落去舊豬扒度唔會成口粉，外面脆入面就啖啖肉配埋原有既豉汁真係令人唔可以停止咁大啖大啖扒飯今次叫既3款小食🥘🥢鹵水雞翼就非常入味，而且舖頭選用既雞翼係偏大隻既，好O岩食肉獸🌟🥢椒聯魷魚鬚，佢地切成細細舊去炸，一舊一啖，炸到同豬扒一樣都係落薄既炸粉就拎去炸，做到外脆內軟既效果，而且連同炸蒜一齊上碟，可以拎黎撈飯。🥢唐揚炸雞係第一次食，佢同樣做到炸雞外脆而入面係保持住juicy。雖然今次食左好幾樣炸野但係都唔會覺得太熱氣，真係大滿足。❤️👅