魂燒 (已易手) 新餐厅

早兩日收工行過太子試左朋友推介嘅成板海膽撈飯。板海膽同碗飯分開上，碗飯上面仲有隻生蛋。海膽味鮮，濃淡適中，色澤靚，係凍肉公司買都起碼80幾90蚊一板，佢連埋個飯都係108蚊，好抵食！未講完，我同朋友仲叫左碗元祖拉麵。原先為飽肚叫多個澱粉質，但其實好好食。豚肉肥係個邊，內肉瘦，口感剛剛好，麵嘅湯底食得出係自己熬嘅，仲有得選擇濃淡同麵嘅硬軟，非一般小店。我地仲叫左個炸雞，呢個真係超級好食。你睇落去以為炸到硬哂，但其實個脆皮一d都唔厚，咬落去肉汁直頭爆出黎。最後我地仲點左安格斯牛肉串燒同牛舌，牛舌其實係un左d，好難齒開。安格斯牛粒都有d un，但因為燒成7成熟，仲有少少紅，所以接受到。如果可以燒成5成熟就應該perfect！返食指數: 5粒星 (最高5粒，亦係第一次俾5粒)。兩個人食到飽飽，連海膽都有得食，都係260幾蚊，又無加一，地理位置又好。唯一亦係佢嘅特色就係無咩位坐，而且可能坐得無咁舒服，不過我接受到嘅，好日式，完全no problem！