影片
学完日文同男朋友去食饭，男朋友话想食生勾勾，之前话系太子见到有间小店，感觉好隐世，所以就决定去一试究竟。两个人满心期待入到店舖，店面好细，我地两个上左楼上坐，整间店都充满日本FEEL，布置得好精致好有情调。自选寿司饭印象中鱼生饭要叫足$130先可以（但差少少价钱都可以），自己自问唔系咩鱼生都喜欢食，呢度选择都唔系多，叫左两款三文鱼，甜虾同埋蟹钳先勉强落到单。另外男朋友就拣左吞拿鱼、海胆、中华沙津。一上菜个时，见到满满材料舖满碗面，心谂一定会好好食流晒口水。点知一食落去，「个饭咁热既喂？」，我期待个饭系少少冻既，又或者我都知有鱼生饭系常温，但真系未食过个饭咁热，似系岩岩煲好勺出黎咁，而且唔系珍珠米，亦都无加醋系入面，EXACTLY就系一个平时食既白饭。个饭热到放系上面既鱼生都半冻半热咁，食落去真系百感交杂。自己黎讲真系几钟意食三文鱼，对三文鱼都无乜要求，但呢个三文鱼夹落去系碎架，夹唔起成旧。其他甜虾、海胆、吞拿鱼都系一般，最好食竟然会系中华沙津，sosad。免治鸡肉棒鸡肉棒味道一般，外层芝士同咸蛋黄碎加番少少分。另外，仲叫左扇贝同埋吉列炸蚝，扇贝味道还可以，无粉丝失色左少少，炸蚝自己无食，男朋友话都可以。我地实际上叫了三个小食，两个鱼生饭，同埋两杯饮品（樽装乌龙茶同波子汽水），唔算叫得少野，但埋单见到张单差唔多$600，呢个价钱已经可以去间舖面靓、质素高既餐厅食野。但系呢个舖既食物质素完全唔值！！本来好少比负评，但今次真系唔写唔得。今次当系比钱买左个经验，之后都唔会再帮衬。
继续阅读
价钱贵-3人食$800....唔饱肚，呢个价钱去食放题或者自助餐都可以了....睇到张单都谔然😡唔好食-招牌蟹膏饭！影相就几靓，食落淡而无味，串烧味道非一般的淡。全餐除左条香肠太咸，根本淡而无味。简直不知所谓！份量少，款式少- 百无！寿司及刺身呢d基本野都无，屈人食贵价串烧，串烧仲要无乜款式。饮品钟类少，无咩选择。座得逼-3人逼系后巷食野，隔离系厕所，无下次啰！好评个推咩人，大家心里有数啦！结论系：入黑名单。永不帮衬！
继续阅读
话说我星期日 我同我Dfriend 嗌左几个便当 啦然后我就坐咗喺楼上慢慢等啦 我等到差唔多一个钟我落去揾过阿姐问吓我个便当整好未 跟住佢话差唔多 然后我再上返去慢慢等啦 等下等下又过咗半个钟跟住我落去问佢 佢就走入厨房问过好后生嘅厨师 点知佢未整好 不过我都体谅佢 因为我见到佢好忙 跟住我同佢讲我等到唔耐烦好嬲话要退钱啦 点知阿姐同我讲俾咗钱一定要食 我𠮶阵时真系o左我心谂厨师又未整点解唔可以退钱 阿姐服务态度超差 我觉得需要培训下
继续阅读
中华沙律normal烧菠萝normal元祖拉面豚肉无味，汤底无味烧牛舌算系唔错既一款烧鸡翼无味，仲要带血，唔熟，讲左话唔要，要退。佢转头话帮我再烧熟佢，我就话我唔要喇，同埋咬过仲烧番，最后先话取消。烧鸡肾同上一样唔多熟，而且唔太新鲜，咬左旧口感好差帆立贝差货，口感梅梅地蒜蓉烧扇贝蒜蓉唔得，扇贝唔系原只烧，剪开，口感唔新鲜北海道蟹柳寿司唔知系沙律酱款，不过唔多得，完全无蟹柳味海胆寿司旧饭黏到一旧，海胆唔系放雪柜？食落唔冻，系室温感觉，口感一般，可能唔新鲜烧茄子好普通，无出面烧得好食小插曲：我地order左成20分钟，先出得中华沙律，拉面同烧菠萝。隔离位迟我地20分钟到，但佢地早过我们有烧既串烧，我问佢点解隔离迟咁多order都有串烧，我地个d仲未有，佢话跟下先，跟完就拎左未熟既鸡翼同鸡肾来。
继续阅读
我地等到40分钟，已经好肚饿，门口大姐话”好快”等多几分钟有，等到50分仲未有野食，开始觉得唔对路，再问个大姐，其实仲要等几耐？！点知问多两句大姐先话师父未翻到🤬🤬🤬🤬，痴线嫁，佢有冇病丫，厨房冇人，你够胆叫客入去坐，个大姐唔系以为有客会等到你地d师傅翻，再等埋你开炉再煮野食丫？！🤬🤬🤬唔该做餐厅有d时间观念，如果师父返唔到咁早,就唔好开铺开11点啦，做翻晚市算把啦，好心你地d员工再培训过啦， 明知厨房冇人就唔应该招待客人入去坐， 应该一早入去前同客人讲清楚，唔驶阻人时间， 如果唔系之前帮衬过两次，都觉得呢间野夜晚野食ok， 见你哋开晏昼，打算再帮衬，点知搞到成肚火，冇下次啰！！！PS(见到仲有3张枱有客坐系门口，同我地一样，白等，等到天荒地老都唔知等紧乜)
继续阅读