影片
更多
2009-03-11
3 浏览
有好多食評都話呢間燒烤店嘅嘢食好得, 於是慕名而至. 我自問絕不嘴刁, 但試過之後, 我同我太太應該都唔會再去. 品評如下,燒蠔 - 蠔身肥, 新鮮, 但有落蒜蓉同少辣都冇乜味.燒大蜆 - 肥, 新鮮, 好甜, 同時每隻都好多沙...燒大蝦 - order 咗2隻, 其中一隻係"霉"嘅!!燒立魚 - 整體嚟講, 燒立魚係成餐最好食嘅, 但建議大家唔好蘸佢哋跟埋一齊嚟嘅辣汁, 因為兩者味道實在唔夾.燒菠蘿 - 菠蘿幾甜, 幾多汁, 但若果唔係暖暖地, 同塊皮有啲燶燶地, 我根本食唔出啲菠蘿有燒過.燒雞皮 - 香口, 可以燒乾身啲.燒韮菜 - 香, 甜, 但調味好鹹.燒牛脷 - 除咗面上面嘅調味粉之外, 牛脷本身可以話冇味道可言, 好似冇醃過咁.芝士蒜蓉焗西蘭花 - 變咗就咁"蒜蓉焗西蘭花", 芝士味消失得無影無踪!清酒焗帆立貝 - 其清酒味蓋過一切!!!小弟認為, 呢間鋪所用嘅食材都係夠靚夠新鮮嘅. 理論上, 燒烤食品好與壞, 往往取決於廚師對食材事前嘅準備功夫同用咩醃料. 希望佢哋可以留意一下.另, 作為一間"四川燒烤店", 佢哋嘅辣粉辣汁等都不夠辣. 其辣味只會短暫逗留於味蕾上,
燒蠔 - 蠔身肥, 新鮮, 但有落蒜蓉同少辣都冇乜味.
燒大蜆 - 肥, 新鮮, 好甜, 同時每隻都好多沙...
燒大蝦 - order 咗2隻, 其中一隻係"霉"嘅!!
燒立魚 - 整體嚟講, 燒立魚係成餐最好食嘅, 但建議大家唔好蘸佢哋跟埋一齊嚟嘅辣汁, 因為兩者味道實在唔夾.
燒菠蘿 - 菠蘿幾甜, 幾多汁, 但若果唔係暖暖地, 同塊皮有啲燶燶地, 我根本食唔出啲菠蘿有燒過.
燒雞皮 - 香口, 可以燒乾身啲.
燒韮菜 - 香, 甜, 但調味好鹹.
燒牛脷 - 除咗面上面嘅調味粉之外, 牛脷本身可以話冇味道可言, 好似冇醃過咁.
芝士蒜蓉焗西蘭花 - 變咗就咁"蒜蓉焗西蘭花", 芝士味消失得無影無踪!
清酒焗帆立貝 - 其清酒味蓋過一切!!!
小弟認為, 呢間鋪所用嘅食材都係夠靚夠新鮮嘅. 理論上, 燒烤食品好與壞, 往往取決於廚師對食材事前嘅準備功夫同用咩醃料. 希望佢哋可以留意一下.
另, 作為一間"四川燒烤店", 佢哋嘅辣粉辣汁等都不夠辣. 其辣味只會短暫逗留於味蕾上, 吞下食物時, 喉嚨已沒有火辣感.
张贴