十下火鍋

打邊爐既季節黎喇! 正所謂「秋風起，三蛇肥」，係時候要養肥我地呢班大懶蛇過冬天咯! 🤣想試十下好耐，貪佢懷舊風，夠特別! 一坐低見到隔離枱有個小朋友喺度做功課，真係有種舊時屋企既感覺! 🤓呢度有兩款套餐揀，唔洗諗，啱晒我地呢班懶精! 兩款套餐都好吸引，最後比烤花生沙嗲湯吸引左，所以揀$288套餐，再加養生豆乳白窩，正!十下三寶滑 - 鯪魚滑、牛肉滑同墨魚滑之中最欣賞係墨魚滑，有咸蛋黃做餡，食落仲有浸咸蛋香!果皮魚蛋 - 一上枱已經散發一浸好香既陳皮味，魚蛋彈牙!脆炸魚骨 - 炸完既魚骨好香口蔬菜拼盤 - 好大既蔬菜籃，全部都好新鮮，蘿蔔仲好鮮甜!掛住食，唔記得影相! 其實仲有響鈴、手切本地肥牛、醬爆貢丸、豬肉餃、蒜味香腸，每樣都唔錯! 而最後食既寬冬粉吸收晒全部精華，夠晒惹味，食完已經好飽! 呢度仲有海鮮拼盤，都好吸引! 下次再打邊爐一定會揀呢度!! 😋