十下火鍋

呢個老死係我「發小」，一齊喺屋村長大，無所不談。嚟到十下打邊爐聚舊，睇見啲幾廿年前嘅懷舊裝潢，日曆、屏風、雪櫃、雞毛掃、花樽、收音機、甚至牆上同地下嘅一磚一瓦都好有FEEL，真係好回味。連麻雀枱都有，以前屋邨真係長年有街坊開枱，真係要講一句: 我們都是麻雀聲下長大的! 人大左，真係成日會好似老人家咁想從前，此刻想講句: 懷緬過去常陶醉……我地揀左《二人精選套餐 每位$368》加＄60升級龍蝦鮑魚海鮮鍋，個海鮮鍋$60真係超級超值，湯底係海鮮湯味，好有鮮味。原隻巨型龍蝦，真係仲大過個湯鍋。龍蝦肉好彈牙，仲有超多紅色蝦膏。其他海鮮有帶子、大蝦、螺、蠔、墨魚……越撈越有，真係重料得好誇張! 我哋都覺得呢個鍋係必食，誠意之作!!!二人可以揀兩罐飲品，或者加$10轉做一揸冬瓜茶、酸梅湯或洛神花茶。我地揀左洛神花茶，甜度適中但味道偏淡。大刀手切本地牛肉係靚牛，肉色紅潤，好有牛味!十下三寶係滑辣椒馬蹄牛根滑、馬蹄鯪魚滑、咸蛋蝦滑，完全係大大份，彈牙又足料，咸蛋蝦滑除左有咸蛋粒，仲加左啲魷魚入去，好惹味。醬爆瀨尿牛丸、流心粟米丸都要小心啲食，入面啲湯汁好熱架，但真係正!仲有爽滑鴨血、牛白胸膀油、懷舊果