金鳳茶餐廳

营业中

休息中

特價午餐（$42 凍飲加$3)今次黎到依間喺灣仔既懷舊老牌茶餐廳 #金鳳 ，相信灣仔人或附近做野既、老一輩既人應該都聽過佢個名。 #金鳳 雖然係茶仔，但主要食常餐為主，lunch time人山人海，不設晚市。今次叫左沙嗲牛麵、火腿奄列、菠蘿包同凍奶茶。沙嗲牛麵係自家製，成隻碗都係濃郁既沙嗲湯底，牛肉幾嫩滑，唔錯。奄列無乜特別但勝在夠大份，而個菠蘿包就凍既，皮亦係淋既，雖然味道就麻麻不過個包好實心，同宜家啲空氣包真係兩回事，仲比埋''pat''牛油你自己搽，感覺好實在。最後講埋杯凍奶茶，佢係預先將一壺沖好既奶茶雪凍左，再倒入杯比你，唔會落冰溝淡啲味，有茶香。整體黎講，#金鳳 比我一種好實在既感覺，好食又唔算，但就好似你喺屋企食飯咁，食家常便飯但又會有滿足感。黎依度就唔好預會坐得舒服，仲係迫到你痴線，搭枱就梗架喇，而呢點正正就係香港特色，老牌港式餐廳越來越息微繼而被大集團取代，所以經過就支持下啦，唔係等等下又變集體回憶喇。