十下火鍋

最近有好友黎到銅鑼灣工作，佢聽朋友講有間餐廳係懷舊打邊爐，想試下，於是星期一BOOK 左，今晚去食呀 =]"十下火鍋" 位於銅鑼灣登龍街，地點也算幾方便 ~一去到真係幾懷舊，入面播著經典懷舊金曲，招牌又用上經典紅綠色既霓虹燈。 同朋友諗左好耐食咩，最後決定叫個二人精選套餐！ 好快侍應遞上調味料比我地混醬！ 我地點左個洛神花茶，好冰涼，甜甜地幾好飲！ 之後就黎個鍋喇!!!我地揀左個龍蝦鮑魚海鮮鍋 =]個鍋真係好正，係海鮮蕃茄鍋黎既，入面仲有好多材料，有蟶子、鮮帶子、象拔蚌、鮑魚、扇貝同大大隻既龍蝦呀，見到都食指大動～ 龍蝦大大隻，肉爽味甜～ 另外個餐都有以下既餸：蟹肉蟹粉餃、惹味香腸、十下三寶滑、脆炸魚骨。當中要推介下個十下三寶滑，佢呢三寶包括蝦滑，牛滑及鯪魚滑～每一款滑入面都加左唔同既配料， eg. 蝦滑內加入了鹹蛋粒，入口帶有鹹香味，好正。 仲有脆炸響鈴、寬冬粉、蔬菜拼盤～ 整體黎講，食得開心，環境、味道又唔錯，價錢合理～而且２個人坐，佢都比張 4 人檯我地，好舒暢！OVERALL味道：★★★★☆環境：★★★★★服務：★★★★★衛生：★★★★★抵食：★★★★☆