影片
更多
2016-06-08
283 浏览
因為放假關係，同FD行旺角仲多過留係屋企，咁係依頭食飯就成為正常不過既事，雖然街道來來去去都好似差唔多，但有時會出奇不意地比你發現新事物！就好似依間Snkrholic，經過既時候不以為然，但再睇清楚啲，原來係一間波鞋專門店mix餐廳?門面雖然放置左餐牌，但進門一刻都會大感驚訝，內裡既設計明明同波鞋街某幾間店好相似。餐廳分左上下兩層，而我同朋友就被帶到去上層，牆身都不忘掛置波衫，睇黎依到既老闆係位球迷呢xd上層既感覺好神秘，先要開啟一道木門上去，上層環境唔算大，但有空間感，以木製餐桌為主。食物選擇唔算太多，但都有岩食既菜式，款式比較西化，但飲品方面就充滿左韓風氣息。好多手工啤酒選擇，但奈何我地係滴酒不沾XD唔係大時大節都唔會點飲，所以就轉投無酒精飲品，不過無酒精飲品都幾有特色～Edison，電燈炮既造型好吸睛，而且近期都見幾多依個玻璃樽，自己都收藏左兩個，內裡有甜甜既柚子果粒，飲落去清新舒服，充滿果氣既飲品。Popeye Cider，朋友揀既飲品，同樣底下都係柚子，上面有一大舊棉花糖做裝飾，望落去好誇張，再配埋一枝韓版七喜，味道比Edison甜，而氣則冇Edison咁多。當倒七喜既時候，
咁係依頭食飯就成為正常不過既事，雖然街道來來去去都好似差唔多，
但有時會出奇不意地比你發現新事物！就好似依間Snkrholic，
經過既時候不以為然，但再睇清楚啲，原來係一間波鞋專門店mix餐廳?
門面雖然放置左餐牌，但進門一刻都會大感驚訝，內裡既設計明明同波鞋街某幾間店好相似。
餐廳分左上下兩層，而我同朋友就被帶到去上層，牆身都不忘掛置波衫，睇黎依到既老闆係位球迷呢xd上層既感覺好神秘，先要開啟一道木門上去，上層環境唔算大，但有空間感，以木製餐桌為主。
食物選擇唔算太多，但都有岩食既菜式，款式比較西化，但飲品方面就充滿左韓風氣息。
好多手工啤酒選擇，但奈何我地係滴酒不沾XD唔係大時大節都唔會點飲，所以就轉投無酒精飲品，不過無酒精飲品都幾有特色～
Edison，電燈炮既造型好吸睛，而且近期都見幾多依個玻璃樽，自己都收藏左兩個，內裡有甜甜既柚子果粒，飲落去清新舒服，充滿果氣既飲品。
Popeye Cider，朋友揀既飲品，同樣底下都係柚子，上面有一大舊棉花糖做裝飾，望落去好誇張，再配埋一枝韓版七喜，味道比Edison甜，而氣則冇Edison咁多。
當倒七喜既時候，棉花糖會慢慢溶化，成杯都好有甜絲絲既感覺～
白酒本菇蟹肉炒意粉，意粉質感香滑，白酒味唔多，食落去係滿滿既本菇同蟹肉既口感，味道鮮香，每啖都充滿幼滑既口感，成個意粉都好讚！
板燒牛肉眼扒配乾蔥紅酒，睇起上黎色澤唔錯，因朋友嗌左8成熟所以會帶點韌，肉眼扒煎得幾均勻，牛味尚濃，雖然偏熟但肉質依然爽韌，乾蔥紅酒汁同肉眼扒好夾，
令成個感覺加左唔少分，而肉眼扒底下亦有薯條等等配菜。
香煎鵝肝配鮮雜莓，因朋友中意食鵝肝所以就點左一份，以雜莓做伴菜都係第一次食到，鵝肝香身嫩口，而且配上雜莓醬減低左唔少油膩感，雖然鵝肝確實惹味，
但因鵝肝既由來同健康著想，我都唔太建議大家食。
整體黎講，餐廳設計上好有特色，環境裝橫都唔錯，食物到家有水準，雖然係樓上用餐，
但樓上都會有位店員隨時STAND BY ，所以服務都好好，係一間值得一去既餐廳～
张贴
