影片
港铁油麻地站 A2 出口, 步行约7分钟
继续阅读
开饭介绍
餐厅名字以sneaker+holic为名，以波鞋为主题的酒吧，餐厅以限量波鞋及球星签名波衫作布置，主要提供手工啤酒。
继续阅读
营业时间
星期一至日
12:00 - 00:00
以上资料只供参考，请与餐厅确认详情
今晚我们行过旺角烟厂街见到有间用篮球做主题嘅餐厅叫「Snkrholic」嘅店内环境装修吸引著，店内放咗有限量版波鞋、Michael Jordan同Kobe Bryant两代篮球之神嘅签名珍藏球衣同相片等等等等⋯⋯所以每位作为超级篮球迷，都必定要嚟朝圣一下！Roman Burger嘅汉堡包采用竹炭包，而且包嘅顶层洒咗辣粉整成91，91系Michael Jordan复出之后著嘅号码，真系相当有心思，软熟嘅竹炭包夹著香甜嘅炒洋葱、蕃茄、生菜、芝士、烟肉同汉堡扒，汉堡扒嘅肉质极之松化，肉汁超多，肉味非常浓郁，而且相当厚身，最好系无「骚」嘅味道，真系超正呀！Pork Ribs嘅外层烧得好香脆，有一阵焦香味，肉质非常松软，酱汁嘅味道相当香甜惹味！另外！值得一赞系其中一位女店员嘅服务态度好亲切有礼，会因应人客嘅要求去帮人客影相留念！
继续阅读
虽然小弟唔喺篮球迷，但晌公牛最颠峰嘅时代，都识边个喺佐敦、柏宾、洛文，最佳拍档三剑侠。嚟到依间新奇波鞋铺「Snkrholic」，无鞋卖，但可以买醉，店内唔少外地及本土手工啤，更有唔少𩠌啤酒嘅小食。讲到Snkrholic，唔可以唔提佢嘅环境，店舖地方唔大，但绝对有唔少对篮球迷嚟讲嘅亮点，由门口到室内，不难发现「珍藏」，签名球衫、绝版波鞋，又有啲搞作嘢，天花光管篮球场，就连夹餐牌用嘅垫板都喺块球场作战板。同老友研究吓有咩好食先，头版就喺一个任饮晚餐，两个钟任饮，加一款主菜，好饮之人嘅超抵之选，不过，我哋真喺高兴吓啤一啤，而老友亦知我唔喺好酒之人，所以，依个晚餐唔喺好啱我哋。反而，小食就啱我哋啲，不过，唔知喺咁啱得咁桥，定唔好彩，打算叫嘅几款嘢食都无货，如远程大炮、篮板皇意大利饭，感觉有啲可惜啫。咁就顺便介绍埋店家供应嘅饮品，晌餐牌内你会揾到多款世界各地嘅特色生啤、手工啤，为照顾小部分唔饮酒嘅客人，亦有啲非酒精嘅选项。而有部分手工啤则未有列入餐牌内，但就全放晌水啤前嘅嘅位，唯一麻烦啲喺要走埋去逐支睇喺乜，不过，亦可以询问店员有咩推介，此外，无标价钱亦喺另一麻烦事，吓吓要问价钱好似有啲尴尬。Day of the Dead $88老友所拣支手工啤酒精度只喺8%左右，所以，饮咗唔使死。佢话支啤酒几好饮，麦味重，又带微微果香，原来成份中有加入啲菠萝，颇有个性。Snkrholic Good Good Beer $118我就乜都唔识，净喺识叫店员介绍支酒精无咁重嘅推介俾我，而依支同本地姜「麦氏酿酒厂」合作嘅手工啤就真喺啱晒我。因为一来酒精度只得5%，二来加入红菜头汁酿制，故倒出嚟嘅啤酒都红红哋色，非常之易入口，味道轻怡。双层味觉薯条 $55底下垫咗啲沙律菜，而幼身薯条塞满小铁罐，咁何谓「双层味觉」？就喺除混和芝士酱之外，仲加咗啲蓝莓酱，唔算话超惊喜，但就几得意。鹅肝窝巴配苹果酱 $88啱唔无晒窝巴，店员问改用多士介唔介意，我哋都无乜所谓嘅。一客有两件，卖相做得几靓仔，而且鹅肝都几大件，苹果酱涂满晌多士上，夹埋件鹅肝一口咬落去，油香盘绕于口腔中。洛文汉堡 $98餐牌中嘅汉堡三剑侠，唔知点解佐敦竟然喺「身价」最少𠮶位？而我哋就拣身价最高嘅洛文汉堡（牛肉汉堡），以竹炭包夹满多款材料，有炒洋葱、烟肉、芝士、牛肉、蕃茄、生菜，口感丰富，件汉堡牛超厚之余，肉味浓，又松化。西班牙猪鞍配蜜糖芥末汁 $128个西班牙猪鞍做得有板有眼，并伴有薯菜，不过，都只喺普通嘅沙律菜搭啲脆炸薯条，而猪鞍几有肉味，肉质带点爽，百零蚊货仔都唔抱太大期望，但依家食落都算唔错。然而，个蜜糖芥末汁似烧汁多少少，因为觉得个芥末味唔突出。我哋正餐时段嚟，客人唔多，但越晏越多人，啲人都喺啤一啤，嗌啲小食。晌度啤吓感觉又几轻松自在，食物质素唔好期望太高，如果喺篮球迷，更可睇睇番电视所播放嘅昔日精彩比赛片段，话题相信会更多。
继续阅读
返学时代嘅我，除咗跑步、羽毛球、网球、排球、单车之外，最爱就系篮球，偶像当然只有Michael Jordan喇，虽然唔系最疯狂，但系都借有唔少Jordan波鞋，但系我只系储 BB鞋，大人鞋其实唔多，因为根本都唔舍得著，所以当我知道旺角开咗一间用Jordan波鞋做招徕嘅食店，就已经非常想试~~餐厅天花有一个由LED灯砌成嘅小型篮球场座位旁边放咗好多有关篮球球星嘅相，有我最爱嘅Jordan同我最憎嘅Kobe，我呢啲忠粉当然要坐喺Jordan下面喇~~巴马火腿凯撒沙律 - 呢个凯撒沙律份量唔系太多，我地一行4人唔系好够食，哈哈，同埋佢系拌好晒先再入碗，所以唔需要担心食前要自己喺个碗仔入而拌匀小食拼盘 - 水牛鸡翼、南乳鸡翼、烟肉芝士春卷、芝麻虾多士 - 我最钟意食个南乳鸡翼、芝麻虾多士，我之前食过左麟右李果个虾多士……哗…油到一个点，虽然虾多士系炸，一定系油，但系至少呢间都吸咗先上碟海虾忌廉天使面 - 系有少少嫌啲汁唔够，味道唔错，天使面够干身，唔会黏埋一堆鲜蕃茄泡菜芝士烟肉汉堡 - 大少话想试吓啲新嘢，所以就order咗呢个泡菜芝士漱堡，个泡菜都几辣，食到大少大汗叠细汗，除咗辣咗少少之外，味道出奇地好，泡菜、芝士、汉堡扒好夹
继续阅读
前几天试咗，超唔掂，唔系啲酒唔好饮，只系比咗150蚊，谂住可以饮到佢个list里8种手工啤酒啦，但订位时职员话得5种，咁都好啦。点知去到铺头坐低咗，佢话有啲未返货，得3种可以拣，好啦，中咗伏冇计啦，焗饮。首先大家点同一款啤酒试吓，咁条女就黎一揸及4只杯。第一杯，我都唔驶9秒9饮完，因为只杯细，咁冇问题啦，再order过，佢就话啲人未饮完，冇得refill 一揸 ,我当堂打个突，咁我问佢我一个人refill得唔得，佢话咁做冇问题，我心谂，驶唔驶吓，你比一揸我地，我地清晒先比返只大樽你，你照refill有乜问题呀?谂唔明。 咁算啦，因为最终都自己有得refill, 如是者试晒佢当日极少选择嘅手工啤酒(强调个晚得3种)。咁第4杯返转头，饮返只最强酒精嘅咖啡味嘅啤酒，最搞笑嘅答案终于出黎，个女职员话呢只款嘅啤酒冇晒喇，饮晒喇，当时我地真正相信入错咗间黑店，我地4条友饮咗一杯呢只款就话冇晒，咁我地唯有饮剩余个2只味啦...讲完饮酒，我地都试咗呢间野嘅晚餐同小食，答案唔多讲，8个字讲晒，就系"价钱颇贵，份量极少"，我都冇叫鸡翼，因为上咗openrice睇过comment话佢50几蚊得3只鸡翼，谂住可以避开一劫，叫牛扒同意大利饭啦，牛扒98元，但size细个我女友手掌，薄过三文鱼，味道衰过茶记。唔掂，饭就好啲，但都颇少份量，埋单每人350，总之呢间野我地唔会再帮衬。
继续阅读
因为男朋友睇到网上做紧优惠 著球衣就可以免费送一个神户牛鹅肝芝士黑松露酱汉堡 见到咁吸引 所以试一试我地叫左两杯手工啤酒 一杯系麦子盐田 都易入口 几重麦味 另一杯系badger golden gory 入口有桃味 好好饮汉堡都好重黑松露味 好香 鹅肝加埋汉堡更加好味 神户牛就正正常常 唔会好硬 餐厅虽然唔大 但坐得舒服 比较似外国设计既餐厅 另外都有十几款手工啤选择 食物种类都多 有汉堡 意大利面同饭仲有小食拼盘 都几值得一试！
继续阅读