CURATOR Art & Café (已結業)

今日同朋友慶祝聖誕節，食聖誕大餐，今次揀左尖沙咀既curator by lex art cafe，係k11 musea， 之前食過西環個間lex 樓底好高好舒適，今次再黎新店。我地2個人食左Christmas set $328 一人。沙律每樣一款，烤南瓜田園沙律，裡面有粒粒紅石榴，酸酸甜甜，仲有好脆身的核桃，芝士配上檸檬油醋汁，味道淡淡的；另一款係煙三文魚凱撒沙律，裡面有培根碎、烤麵包碎同帕馬森芝士，呢個醬汁味道濃一點。主菜我地要左香煎慢煮三文魚扒，樣子好吸引，煎到個皮好脆同乾身好香，魚可以加蒜泥一同吃，但唔沾都已經好好味，連菠菜都有魚油既味道，仲有鹽漬三文魚子伴碟。另一款係煙燻火雞肉，火雞真係好有聖誕feel，今次係火雞片無平時原隻食啲肉咁硬，配埋金巴利果醬味道更提升不少，另外仲有豬肉捲，好惹味。甜品係聖誕節慶布甸，第一次食呢款甜品，味道偏甜，仲有個紅酒燴梨，好特別既一個節慶甜品。最後飲品+$38 upgrade 左artsy print coffee同chocolate，飲落去咖啡好味啲，因為朱古力太多奶！不過個樣真係好靚，可以揀自己心愛既圖案，仲可以幫朋友慶祝生日！好開心！