影片
更多
2019-09-04
3754 浏览
訂左星期六的brunch，唔知點解網上最早只可以book 12:15(明明12:00開始)，謎團一個......當日09:30有人打黎做re-confirm😅頭腦唔多清醒既時候被通知安排唔到window seat(一星期之前網上有request到)，問題不大(雖然有少少失望)去到餐廳，完全俾個環境迷惑......絕對係打卡一流！可惜當日太肚餓，俾食物吸引走左。坐低會有侍應俾menu同揀drink package，可惜我地實在唔想一早飲酒，於是拒絕左😅brunch係semi-buffet型式，於menu上選擇主食，冷盤、沙律、湯、麵包、甜品都會係自己出去拎，絕大部分食物都係有質素👍以Parma ham為例，平時就覺得一係太咸，一係有好大陣唔識形容既味，今次食到既竟然比起西班牙買到既2年Parma ham仲要好食同唔會特別咸，真心覺得”我終於食到Parma ham既美味”😭當日有南瓜湯提供，絕對唔係罐頭製造出黎或是但煮的味道😋通常西餐沙律、冷盤都香料味偏重，意外地今次既味道都調校得好好，唔會似食香料多過材料，真係要讚！家下仲有promotion，每位都有海鮮冷盤送，包括兩款生蠔、一隻鮑魚、
當日09:30有人打黎做re-confirm😅頭腦唔多清醒既時候被通知安排唔到window seat(一星期之前網上有request到)，問題不大(雖然有少少失望)
去到餐廳，完全俾個環境迷惑......絕對係打卡一流！可惜當日太肚餓，俾食物吸引走左。坐低會有侍應俾menu同揀drink package，可惜我地實在唔想一早飲酒，於是拒絕左😅brunch係semi-buffet型式，於menu上選擇主食，冷盤、沙律、湯、麵包、甜品都會係自己出去拎，絕大部分食物都係有質素👍
以Parma ham為例，平時就覺得一係太咸，一係有好大陣唔識形容既味，今次食到既竟然比起西班牙買到既2年Parma ham仲要好食同唔會特別咸，真心覺得”我終於食到Parma ham既美味”😭當日有南瓜湯提供，絕對唔係罐頭製造出黎或是但煮的味道😋通常西餐沙律、冷盤都香料味偏重，意外地今次既味道都調校得好好，唔會似食香料多過材料，真係要讚！
家下仲有promotion，每位都有海鮮冷盤送，包括兩款生蠔、一隻鮑魚、兩隻蝦、半隻龍蝦仔(仲有鉗食)，最重要係都已經起好肉，唔使自己係高級餐廳好唔優雅咁拆肉，認真抵讚👍👍
前菜食到夠，侍應問過先會上主菜。可惜成餐飯既敗筆就係哩碟，明明係叫左prawn有關既食物(名太長唔記得)，最後竟然黎左碟貌似芋圓2.0既野，到今時今日我都仲未知自己食左乜落肚.......
到甜品環節，其實人年紀大左就唔再開始嗜甜(想當年我仲被稱為甜品怪😌)，竟然今次會想食甜品！最出色係......生果拼盤😂佢d甜品唔係話差，算係average，反而生果種類多，我哩d偽健康當然會投佢一票。男朋友話椰子布甸好好食，仲拎左兩次，可惜我唔食椰子味既野👉👈
最後仲會有茶或咖啡提供，為就快飽到爆既肚消一消脂。
餐廳整體都幾好，除左個main course，不過份量少，所以focus去其他就好啦！最後發現當日都好多人慶祝生日，所以我既window seat就係咁同我揮一揮手就俾其他人坐左了。
张贴
