forte (已結業)

因為喺附近工作既關係，去Forte食飯都好多次但每次食Lunch，夜晚都係第一次。因為OT同第2日Dayoff既原因，於是約埋班同事試試。同中午一樣都係半自助餐，但食物明顯比中午豐富，沙律款式同汁醬都有好多選擇，冷盤方面就有刺生、長脚蟹、青口同蝦等等一般大路既野，可能生意好既關係啦，呢啲食物都好新鮮！而最愛既生蠔就更加值得一提啦，當晚有兩款供應，蘇格蘭同法國，前者既外觀比較肉厚，味道鮮甜。而法國既比較瘦，但蠔味同海水味較重，兩種我都咁鐘意，雖然每次攞兩隻，但等既時間都吾太耐，結果食左一打，十分滿足。主菜方面我地點左4款share，因為係做蝦既主題，我地點左3款蝦同1份牛柳，先講牛啦肉質同生熟程度都滿意但份量比較細，至於3款蝦，分別係釀左三文魚入去焗既大蝦、大頭蝦木瓜沙律同大蝦西班牙炒飯，我至喜歡就係三文魚果款，不太濃味幾好！至於其他2款都好有水準。至於甜品，吾講其他剩係果個名牌雪糕已值回票價。總括嚟講可以再試。