南亭 (凱譽)

营业中

休息中

慶祝朋友轉工今日去咗尖沙咀食串燒，呢度串燒有唔少選擇，餐廳環境同氣氛都好有日式居酒屋嘅感覺，仲有大量日本酒可以選擇。串燒大部份都需要兩串起咁叫，部份可以單點一串。坐低餐廳店員就會附上野菜條，蔬菜新鮮爽脆。雞翼開邊雞翼外皮烤得好香脆，咬落雞肉有肉汁好juicy雞軟骨粒粒香脆，有咬口羊肋串好濃郁既羊味，羊肋軟熟易咬，加少少鹽味道更出蘆筍豬肉卷蘆筍好新鮮配豬肉卷，好好食，同朋友一人食左2串，豬肉卷薄切，油脂分布平均。紫蘇葉豬肉卷呢個串燒好有層次感，紫蘇葉味道好出，配搭好夾燒鰻魚串鰻魚汁相當惹味，夠哂咸香味。銀鱈魚魚油脂充足，好滋味，魚肉鮮甜，十分推介。燒豆腐豆腐咬落依然可以保持滑嫩，面層仲有木魚絲。明太子燒飯團先用紫菜包好飯團，飯團燒得好脆，脆卜卜味道肉米餅，有啖啖明太子味。燒芝士年糕年糕香軟芝士味咸香味道夠濃郁食咗咁多嘢埋單八百幾蚊同朋友都好滿足。偶爾有慶祝活動，推介嚟呢度食。