點點心 (已搬遷) 新店位置

有一日收工好夜，想食宵夜又唔想食麥記諗起 「呀 不如飲夜茶啦」於是就搵到呢間點點心點點心同添好運一樣，都係坐低再寫點心紙，茶就冇咩特別，就係茶餐廳既茶咁啦。一口氣叫左五個點心（愈坐愈肚餓）燉雪梨：因為當時做緊推廣，所以半價就有一盅，好味好食，感覺好似幾潤咁，不高就甜左少少😝 美中不足既係，原先想食晒咸點先嗌佢，可惜店員話「嗌左先啦，一陣冇貨就冇架喇！嗌完唔送上黎住咪得囉」於是😂我地就跟住佢講既去做，點知...食食下燒茄子既時候，雪梨突然從天而降🌚 「扮冬菇既包」：你睇佢個樣扮得幾神似😂👏🏼佢個底仲加埋粒「冬菇鼎」😆Cosplay 滿分添啦！味道方面其實就一般啦，冇咩特別，但係可能因為呢到另一款出名既點心都係包，所以特別飽肚咁囉😂唔知係個包太大，定啲餡太少，總之成個飽就冇咩咁好味/唔好味。不過我相信仍然會有好多人俾佢既外表所吸引而繼續支持佢😂燒茄子：燒茄子其實係主要靠個醬而有味喇，佢呢個醬甜甜咸咸咁，加埋新鮮熱辣辣咁送到（辣咀既級數）所以非常討喜😝滿分。希望點點心仲會有燒青椒個啲類型出現啦，呢種做法都幾好味。蟲草蒸棉花雞（好似係🙈個名可能再好聽啲）味道就同平時食既棉花雞差唔多，不過係油多