幸福班戟 (K11 Musea) (已結業)

食完個early dinner，特登走過來喺正常晚飯時間食呢間甜品，因為咁樣先至唔使排隊。想試呢間好耐，因為本身都好鍾意食日本pancake，所以都好期待。小朋友好鍾意食水果，所以我哋叫咗呢個雜果pancake，另外加咗$18要杯普通咖啡，因為原來每人最少要叫一樣嘢。Pancake一上枱，小朋友已經好興奮，因為真係好靚，總共有3塊pancake。影晒相之後就開始可以食，一切開，有啲失望，因為我以為佢會喺入邊鬆泡泡嗰種，點知原來佢係入邊有少少質感嗰種，識落只係普通，唔覺有咩特別。我自己就比較鍾意係河內道K11入邊果一間，我覺得好味好多。