張公館

营业中

休息中

想望住無敵海景嘆中菜，銅鑼灣張公館就係一個好選擇～位於銅鑼灣V Point 29樓，居高臨下，設落地大玻璃，晚上六點嚟到可以望住黃昏景緻，無敵大海景真係一流！羊肚菌松茸竹笙花菇燉湯燉湯口感清潤濃郁，滋補養胃，味道清香鮮甜，特別一讚羊肚菌柔嫩鮮美，含豐富氨基酸，脆嫩可口。杏汁豬肺湯集潤肺、美肌、強肺功效一流，杏汁味濃厚，口感香濃幼滑，以形補形養肺氣，特別適合秋冬飲用！蟹粉小籠包小籠包皮薄多湯，加入蟹粉將味道昇華～秘製醬乾炒九肚魚河粉炒河粉成日食，炒九肚魚就真係第一次試，魚肉酥嫩爽滑、入口即化，河粉炒得好有鑊氣，口感煙韌有咬口。紅燒乳鴿皮脆肉滑、外酥內嫩，肉汁相當豐富，色香味俱全。臘味炒芥蘭臘肉帶豐富油香、臘腸滑溜、膶腸軟綿好香口，翠綠芥蘭炒得油潤。