Ciclo

营业中

休息中

我個人覺得酒吧同酒館係有分別嘅，如果只係想做酒吧，嘢食其實唔需要太特別，只係需要下到酒就OK，但係如果要做一間小酒館，我覺得佢嘅食物就必須要出色，而個酒其實係去配襯令到個食物更上一層樓。見到大家share出嚟嘅相就知呢間餐廳係玩特色fusion嘅，雖然我個人都比較保守，都嗌咗個shaved cauliflower 嚟試吓，真係好少食生椰菜花，今次佢將佢薄切切到好似紙咁，再加一啲芝麻醬同埋柴魚片，超級開胃，而且覺得好健康，但又比一般嘅菜沙律有特色。如果好鍾意食芝士，我覺得pasta Casio Pepe都係必食嘅，雙重芝士口感非常濃郁，上面嘅芝士係凍嘅，底層嘅芝士係熱嘅，配搭非常有趣，再加少少檸檬汁同黑椒，配搭好有心思。我最想讚嘅係本地黃油雞卷，佢用慢煮嘅方法煮到啲雞肉好嫩，但係又保持到個雞皮香脆，而且唔肥，加埋上面嘅舞茸菇，味道豐富，仲好叻加埋咗一啲炸麵包粒，口感再多層次咗。整體呢度嘅食物都好用心，而且味道係比較濃郁，預咗你飲多一兩杯，用個酒去平衡返啲食物，食物就可以再昇華多一個層次。