金鳳茶餐廳

营业中

休息中

去灣仔行街或做野，真係不愁無野好食，不過每次碰o岩tea time，都自自然然會去返金鳳。講真舖細座位迫呢樣真係改唔到，不過感覺有幾分親切。當然講到野食，必食的自然係菠蘿油 + 凍奶茶啦！新鮮的菠蘿油加塊又厚又滑又凍的牛油，入口即溶且又熱又凍的感覺真係唔識形容！如果平時無食lunch，通常會叫個常餐就算。如果想輕量D，菠蘿油 + 出爐雞批，真係走唔甩。至於蛋撻，我都未好多人買，不過之前試過就唔算好突出，但都可以一試o既。其實近年附近都不斷開左唔少新食肆，不過講到「味道」，始終都係呢類茶餐廳o岩合味D。