影片
更多
2025-05-01
255 浏览
食晚飯慶祝生日，booking 當日有致電confirm booking 同 mark定甜品生日要寫咩名。呢part 都幾好嘅。去到餐廳，安排左係2樓，雖然私隱度高啲，不過樓底矮困聲，滿座個陣都幾嘈。服務真係一般，明顯餐廳嘅家教唔夠好，詳情係尾段。野食唔記得影相，啲擺盤係幾靚嘅，不過份量就唔算多。咸蛋黃醬凱撒沙律：咸蛋醬幾特別，清淡嘅沙律添加一種咸香味Daily soup：當日係甘筍湯，當中應該加左黃姜粉，唔喜歡姜味嘅我就唔太接受到。麻而不辣四川蜆：真係麻而不辣，感覺係牛油青酒蜆加花椒令佢更惹味，配送嘅法包吸埋啲湯汁係幾好食，不過份量真係唔多，我地個碟十三隻。焗田螺：曲奇皮，香草醬可以放埋係蜆個法包一齊食，我地就加左$28 加多6塊法包。西冷牛扒：叫左7成，嫩滑嘅，個sauce 似照燒汁甜甜地，不過咁就接近$600，我唔知算唔算合理價錢。chinese style carbonara：有啲金華火腿定臘肉嘅材料，又係多左陣咸香味，係特色嘅，可以encore,不過都係份量唔算。homemade lemon tart：餅底唔硬，中間餡嘅檸檬酸味調校配適中，夠酸但唔會過酸。homemade t
去到餐廳，安排左係2樓，雖然私隱度高啲，不過樓底矮困聲，滿座個陣都幾嘈。
服務真係一般，明顯餐廳嘅家教唔夠好，詳情係尾段。
野食唔記得影相，啲擺盤係幾靚嘅，不過份量就唔算多。
咸蛋黃醬凱撒沙律：咸蛋醬幾特別，清淡嘅沙律添加一種咸香味
Daily soup：當日係甘筍湯，當中應該加左黃姜粉，唔喜歡姜味嘅我就唔太接受到。
麻而不辣四川蜆：真係麻而不辣，感覺係牛油青酒蜆加花椒令佢更惹味，配送嘅法包吸埋啲湯汁係幾好食，不過份量真係唔多，我地個碟十三隻。
焗田螺：曲奇皮，香草醬可以放埋係蜆個法包一齊食，我地就加左$28 加多6塊法包。
西冷牛扒：叫左7成，嫩滑嘅，個sauce 似照燒汁甜甜地，不過咁就接近$600，我唔知算唔算合理價錢。
chinese style carbonara：有啲金華火腿定臘肉嘅材料，又係多左陣咸香味，係特色嘅，可以encore,不過都係份量唔算。
homemade lemon tart：餅底唔硬，中間餡嘅檸檬酸味調校配適中，夠酸但唔會過酸。
homemade tiramisu：中間用左空氣感好重嘅cream，令到口感好奇怪，創新嘅，但個人及友人都唔喜歡。
所有食物嘅質素擺設都好評嘅，不過服務態度就真係有待改善。
1. 落Order 嘅時候，waiter係唔知Daily soup 係咩款式，要稍後問番廚房先再告知。（當日book 7點，去到其實都滿座，懷疑我地係第一枱叫daily soup 所以佢先要問🙃）
2. 食到中途，見到隔離枱埋左單 不過執緊野未走，waitress 竟然已經帶左下一輪嘅客人上嚟，變相好似趕人走咁。就算人地走左，都未執枱未做清潔未set up，真係連服務都中西fusion。同埋樓上空間真係唔大，多左3個人企係到，即刻好有壓逼感。
3. 到上甜品，係上左甜品先執走正餐啲餐碟餐具，都唔緊要，最得意係 我地唔問都冇人俾番甜品用嘅餐碟餐具（我地開頭以為又係第一枱叫甜品啦，不過之後見隔離兩枱上完甜品都係冇人俾餐具，一視同仁地要主動問先提供，interesting 😊）
4. 我地後面個枱有叫白酒，waitress 都好好地keep住同佢地討論，等到以為佢傾完行開就叫check the bill，點知原來係拎第二枝酒俾後面枱，然後又好friendly 地繼續傾，我地張單 係冇埋過。幾分鐘後，可能感受到熱熾嘅眼神，又終於搵到位stop discussion，可以同後面枱客人講幫我地執左單先啦。然後埋完單 張receipt 差啲想我地自己落去攞番添。
所以，整體所有野計埋，性價比唔高囉。
P.S.
1. openrice book 位寫有優惠係每位有一杯free drink，我地自己又唔記得，佢地又冇主動提出，今日㩒入嚟寫食評睇到先記得🤷。
2. 29號booking， 到今日都未係openrice 確認訂座，我啲分都仲未入到囉 。
张贴