影片
更多
2019-10-13
1222 浏览
今日嚟到銅鑼灣搵嘢食，記得上年都有食過firebird，覺得氣氛好啱同朋友食串燒再飲下酒，不過上次冇食到牛，有啲遺憾，今日再嚟食！大概七點入座，全場已經差唔多坐滿，有一邊係吧枱，可以睇住啲廚師煮嘢食。Firebird 雞肉串燒盛合 $138呢個set啱晒我呢啲唔知食咩好嘅人嗌，每樣都試到少少。我最鍾意食絕對係自家製免治雞肉棒，食落有啲碎咗嘅軟骨，口感好正，配埋鮮蛋黃，一定要試。長蔥雞肉串同雞軟骨串嘅調味都啱啱好，好好食。厚切牛舌串燒 $68必點，燒得啱啱好，入口好多肉汁，彈牙得嚟又唔會韌。和牛即燒日本產霜降A4宮崎和牛西冷 $2/gram $100up諗住試吓所以嗌咗100g先，真係冇令我失望。首先店員會喺我哋面前磅重，明碼實價。再等大概15分鐘就上枱，好食到傻咗！我哋揀咗medium， 牛味重，入口即溶！軟殼蟹牛油果壽司卷 $118軟殼蟹炸得啱啱好，不過略嫌唔夠熱，整體唔錯。日本產雞肉辛辣烏冬 $88雞肉又幾嫩滑，個湯底都不過不失。House white wine $68如果早啲happy hour會仲抵啲Lychee Frozen $68成餐飯嘅亮點絕對係串燒同和牛即燒，下次再嚟會
大概七點入座，全場已經差唔多坐滿，有一邊係吧枱，可以睇住啲廚師煮嘢食。
Firebird 雞肉串燒盛合 $138呢個set啱晒我呢啲唔知食咩好嘅人嗌，每樣都試到少少。我最鍾意食絕對係自家製免治雞肉棒，食落有啲碎咗嘅軟骨，口感好正，配埋鮮蛋黃，一定要試。
長蔥雞肉串同雞軟骨串嘅調味都啱啱好，好好食。
厚切牛舌串燒 $68
必點，燒得啱啱好，入口好多肉汁，彈牙得嚟又唔會韌。
和牛即燒日本產霜降A4宮崎和牛西冷 $2/gram $100up
諗住試吓所以嗌咗100g先，真係冇令我失望。首先店員會喺我哋面前磅重，明碼實價。再等大概15分鐘就上枱，好食到傻咗！我哋揀咗medium， 牛味重，入口即溶！
軟殼蟹牛油果壽司卷 $118
軟殼蟹炸得啱啱好，不過略嫌唔夠熱，整體唔錯。
日本產雞肉辛辣烏冬 $88雞肉又幾嫩滑，個湯底都不過不失。
House white wine $68如果早啲happy hour會仲抵啲
Lychee Frozen $68成餐飯嘅亮點絕對係串燒同和牛即燒，下次再嚟會重點嗌！
张贴
