Honbo (裝修中)

灣仔有好多個性小店，呢間漢堡包店好受外國人歡迎，好多時都坐無虛席！皆因小店由醬汁、漢堡扒至麵包麵係自家製作，實屬用心製作。餐廳以藍白色外牆做主調，又設有開放式座位，感覺舒適又有格調。Double cheese burger ($138)配Sweet potato fries ($38) 呢度嘅漢堡扒特別混合左多種牛肉部位製成，如牛腩及牛肩等，肉味非常濃郁而且帶點牛臊味，咬落充滿肉汁，愛好食牛嘅牛魔王一定唔可以錯過！麵包嘅質感煙韌而帶點濕潤，口感香軟。漢堡包配埋香濃嘅芝士、生菜、洋蔥絲同酸瓜，味道好豐富！小店招牌Honbo ($88) 配coleslaw ($32) 同cheese burger嘅不同之處係冇左生菜，同埋漢堡扒較薄身，味道黎講兩款burger差唔多！椰菜絲沙律味道好清新，但沙律醬似乎落得重手左，少番D會更完美。Draft craft beer ($78) and Mikes Lemonade ($38) Craft beer麥味都幾重，Lemonade 味道偏酸帶微甜，中和左漢堡包嘅油膩感。