魚滑粥粉麵茶餐廳 (已結業)

印象中香港無乜邊度d炸兩嘅油炸鬼係脆嘅，鰂魚涌好似有一間，最近發現大埔原來都有一間，呢間野我分別喺喺早餐、下午菜、晚餐同埋宵夜時段都試過叫佢嘅炸兩，so far次次條油炸鬼都係脆嘅，所以我先至喺度介紹一下。呢間野除咗炸兩之外，佢係以粥麵為主打，另外仲有三文治多士嗰d簡單茶餐常餐野，呢d野味道正常啦，大路野無乜特別。不過不可不提嘅就係秋冬時間，佢地會做埋煲仔飯，都幾好食，個飯夠乾身，而且有飯燋，值得一試。