第一郡 (已搬遷) 新店位置

響深水埗有幾間舖成日心思思想食 呢間係其中一間 地點距離地鐵站5分鐘到 都算方便 幾乎每台必點既蕃茄蟹膏湯檬 之前都食過幾次 勁好味 湯有鮮味 好多料 大大隻蕃茄 ！招牌法包 應該係即叫即整 因為個法包勁脆 但唔係硬梆梆果隻 係外脆內軟 一d都唔un入面既配料完全唔會整到個包濕立立 酸瓜好爽 好開胃 仲有好多扎肉 份量好大件 當正餐食都ok !仲有呢杯牛油果沙冰 又係必點 雖然只有單點 無得跟餐 要成30蚊 不過試完就會覺得物有所所值 勁香牛油果味 無人工甜味 口感勁濃厚 其實係似milkshake 多過沙冰 貴都要飲 ！👍🏻