古今二 (荃新天地)

营业中

休息中

古今二除咗有正路嘅刺身、壽司、天婦羅、鍋物同串燒等等🍤卷物一向出名有創意，款式仲多到數唔曬！唔係因為易飽肯定會想試多啲款式！呢次同男朋友去荃新天地分店，叫咗壽司PIZZA，雖然外層炸過但唔會太油，裡面嘅壽司飯唔會散又依然粒粒分明。口感同fushion嘅風格都幾驚喜 ~🍕講到佢地出名嘅卷物，menu上面有啲未試過但感覺幾得意嘅配搭。例如綠野仙蹤 - 八爪魚、蘋果、蟹柳、牛油果同飛魚籽 / 倫敦橋 - 海膽、三文魚、青瓜、脆片等等~ 我地今次叫咗超級龍卷風，包括鰻魚、海老、芝士、青瓜同脆片，雖然配搭唔係好驚喜，但係真係好好食！😆仲有叫咗埼玉網燒牛舌，佢唔會好似一般嘅牛舌串燒咁薄身同乾身，幾juicy同算適當嘅厚度，不得不說作為牛舌控嘅我真係覺得好好食，如果份量多啲就更好🥰另外叫咗鹽燒鯖魚，正路燒海鮮好難做到好突出，佢亦唔會好腥或者好乾已經好合格🤞🏻我地叫咗杯嘢飲，無記錯係白桃柚子烏龍，只能夠講通常水果配茶飲真係好難輸！😍最後係龍卷風沙律，有沙律菜、海藻、蟹柳同脆片，分量都好多。🥗