香江花月 (百誠大廈)

营业中

休息中

放返出嚟咁耐都未去過佐敦食飯，可能有陰影吾想想起當年喺度日蒲夜蒲嘅日子心裏面只有"往事只能回味"，今日兩個契姐約咗打邊爐，話間野好似我哋啱啱出嚟玩嘅時候咁，吓! 咁咪5~60年會唔會好殘啊，心裏面打個突！去到先知原來係用新派手法裝修到好懷舊，心諗老婆嚟到一定打卡打到手軟。齊人，整個活魚刺身加半條象拔蚌，服務員介紹咗兩條魚，一條3斤章紅，四個人點食得晒，所以揀咗另一條石𩶘再加半條象拔蚌，游水魚確係唔同肉質鮮美爽甜，骨腩冇攞去椒鹽，兩位契家怕熱氣，所以用嚟打邊爐，又估唔到肉質仲鮮甜。另外梗係叫個出名嘅牛肉拼盤，上枱成朵花咁老實講牛肉拼盤冰到會有啲夾唔開，朵牛肉花冰到硬晒。所以要圍住個爐系有原因，本來想試吓個牛奶湯底但原來三個女人都唔鍾意牛奶，奶～呢樣嘢可能都係男人鍾意，咁改咗要一個胡椒豬肚，一個好老正嘅芫荽皮蛋 （鴛鴦鍋要加錢），咪睇我哋三個女人加一個男人都食咗好多嘢後尾仲叫咗個黑毛豬肉，有個唔記得叫咩名嘅”蝦膠加左D果仁咁”，出邊未食過口感唔錯，你哋睇相啦，兩個契姐講起以前喺佐敦玩嘅事蹟，有機會再同大家分享。