影片
更多
2008-03-24
81 浏览
演藝學院的開放日~媽咪又點會放過呢個機會~而我都好願意做一日孝順女~原本諗住帶媽咪同妹子去金鐘食三個零~~但媽咪講明要飲奶茶~去大家樂仲好喎...即刻無晒mood的我~就想到~唔係金鐘過APA~咪係灣仔過囉~然之後就9秒9改變計劃~約左佢地係灣仔等~試下傳說中ge金鳳茶餐廳係咪真係咁得平時日日都排大隊~以為星期日會有更多慕名而來ge人啦~又唔係喎~一入門口就剛剛有張圓~所以我地好快就安頓好了~一心一意黎呢度食晒3樣超讚ge東西~所以餐牌也沒多看~蛋撻~雞批~無冰凍奶茶這裡的蛋撻是我最愛的酥皮~不是曲奇皮一出爐ge蛋撻~仲漲卜卜ga!~~~為食的我最鍾意就係將d明知滾緊ge野放入口結果係又比d蛋漿辣親個口ga...hahaha但又真係好味到不得了~3個人一人一啖~10秒鐘就消失了再試試雞批~緊接著蛋撻出爐~之後我發覺雞批同蛋撻係不停不停間住出爐~但永遠都唔會出現過剩ge情況~因為我成世囡都無食過雞批好驚自已唔鍾意食呢d肉批~正當我仲猶豫緊ge時候已經比呢個仲熱到出緊煙ge雞批溶化了我hahahaha~~~超好味!原來係白汁雞肉~仲有d火腿咁~係呢個時候~原先ge擔心已經變成...死啦死啦
媽咪又點會放過呢個機會~而我都好願意做一日孝順女~
原本諗住帶媽咪同妹子去金鐘食三個零~~
但媽咪講明要飲奶茶~去大家樂仲好喎...
即刻無晒mood的我~就想到~唔係金鐘過APA~咪係灣仔過囉~
然之後就9秒9改變計劃~約左佢地係灣仔等~
試下傳說中ge金鳳茶餐廳係咪真係咁得
平時日日都排大隊~
以為星期日會有更多慕名而來ge人啦~又唔係喎~
一入門口就剛剛有張圓~所以我地好快就安頓好了~
一心一意黎呢度食晒3樣超讚ge東西~
所以餐牌也沒多看~蛋撻~雞批~無冰凍奶茶
這裡的蛋撻是我最愛的酥皮~不是曲奇皮
一出爐ge蛋撻~仲漲卜卜ga!~~~
為食的我最鍾意就係將d明知滾緊ge野放入口
結果係又比d蛋漿辣親個口ga...hahaha
但又真係好味到不得了~
3個人一人一啖~10秒鐘就消失了
再試試雞批~緊接著蛋撻出爐~
之後我發覺雞批同蛋撻係不停不停間住出爐~
但永遠都唔會出現過剩ge情況~
因為我成世囡都無食過雞批
好驚自已唔鍾意食呢d肉批~
正當我仲猶豫緊ge時候
已經比呢個仲熱到出緊煙ge雞批溶化了我
hahahaha~~~超好味!
原來係白汁雞肉~仲有d火腿咁~
係呢個時候~原先ge擔心已經變成...
死啦死啦~我已經食過全香港最好味ge雞批~
咁以後咪好咀嚵? hahahaha
戒左凍奶茶多年~竟然會叫黎飲!
因為我覺得黎呢度唔試下無冰凍奶茶~就唔叫黎過!
好味道!!!!!
媽咪同妹子都係擦得之人~
佢都一人叫一個麵餐
媽咪的是雪菜米加菠蘿油~
很喜歡這裡的餐包竟然可免費轉菠蘿包~加牛油就加$2
如果這菠蘿油是新鮮出爐~必定更正!
雪菜米是一般水準而已~而且份量不多~
媽咪也對這裡的熱奶茶讚不絕口~
是掛杯的~
妹子食沙嗲牛麵+火腿奄列跟餐包
環顧四周~想也想不通點解我地ge麵同牛肉都比人家的多~
呵呵呵~~~~
這個比雪菜米是好一點的~不過都係屋企樓下的祥景好一點~
食晒呢度之後~因為雞批同蛋撻不停在我們身邊整盆整盆地不停出爐
媽咪就打趣的說~要不要再來~!?
.
.
.
最後我地3個人再追加了2個蛋撻同1個雞批
一路食一路叫~~哈哈哈哈哈
不過食咁多野都係$87.5 only
都抵啦!
因為坐收銀旁~見到好多好多人外賣~
有個女人仲一次過買左2打雞批加杯奶茶
成$170~真強!!
不過所有野都好新鮮~even佢放係櫥窗內的蛋撻
都係出煙的~因為真係出得好密~~~~
聽人講話呢度ge待應同老闆娘好差態度
但佢地對我地一流wo~仲成日同我地講笑~
我好鍾意呢度~
不過平時要同d OL逼的話~就免了
都係weekend先黎啦~haha
超推介這裡!!!
张贴
