HIPOT (已結業)

星期日，仲要銅鑼灣，中午時候，因早2晚食過幾正，一於encore。 星期日竟然都有超抵食套餐，2個人share 1個都得，只係＄26，每人＄13，仲免茶芥醬料加一，在銅鑼灣食碗淨麵都要睇人面色啦！唔多講，睇相最實際，26蚊係有1個自選湯底，夜晚要＄18蚊／個的自選拉麵／粉絲／白飯，相中係拉麵，都ok彈牙一層係菜蔬，每樣1-2件，新鮮，唔似得快餐店咁整定晒用保鮮紙包住等人買。另一層係丸及雜項類，每樣有d啦，包心丸去超市買都差不多2蚊粒啦，真係比26蚊你去買料都未必買得齊呀！一行4人，另叫一個＄42蚊的套餐，比＄26的多左安格斯牛柳粒同大帶子，都幾抵食！