影片
天气凉凉地，又未到冰冻，最啱同朋友出街围围炉但系下昼边度有边炉打呢？食吉记或者酒楼都要等夜晚最后揾到呢间HIPOT lunch系有任食时段，仲要价钱好实惠，加埋一都一百蚊有找肥牛soso，主要都唔系食佢当佢送既，好似都有三定五片记得仲有猪肉拣任食料推介粟米芝士丸（碟中粟米旁）造型好得意，外皮粟米味重，好似食甜粟米条咁入面既芝士流心，不油腻另外系卤水鸭肾（我地估系）卤水味香，肉整热之后有咬口得黎撕得开，唔算韧想要清d既，其实有几款菜同菇可以选择蔬菜感觉新鲜，外观不错，有D清甜味菇类我就觉得食落麻麻酱汁汤底膏我地直接用黎点食物调味就会浓好多（重口味XD同埋唔想搞到汤底好浊我地公认既系龙虾汁汤底，鲜甜之余未会过腻然后可数蕃茄膏，酸甜开胃味道质感系碎果肉（蕃茄归水果唔系蔬菜-__>），清新好多芝麻酱虽油腻，但香中带甜，少吃尚可，主要用黎点D清淡既食物我个人中意醋／喼汁＋豉油，除左咸味，仲有少少酸可以解腻饮品我中意豆浆，不过系得冻既，仲有汽水果汁好多款讲到糖水，我个人心水系杏仁茶奶滑清香，感觉上清新d冇咁剂唔中意杏仁味既（我好多fd都系），可以试下芝麻糊细滑浓郁，不过就偏甜既服务就冇咩特别架啦，但有个伯伯（职员）好人又好笑系咁叫我地食多d野，话俾得钱唔好嘥，仲要拎埋牙签纸巾俾我地XDDD同朋友边吹水边食，呢餐食得开心痛快顺带一提，次次我地都听到d人抱怨食物质量讲真，你俾几多钱，你应该要有REASONABLE既要求啰例如今次咁食五六十蚊一餐，你系出面买下丸买下菜都唔只啦仲要任饮，有糖水，同埋唔使屋企开炉用电用水……计计埋埋抵到烂，你仲想点姐？
继续阅读
系网上睇到人地话佢地d茶餐厅食品唔错, 所以特意黎依度试下. 网上睇过下menu (我觉得稻香会将某d menu up上网非常之好!!!), 见到佢地有下午茶餐, 就选左下午茶时段黎.我点左 - 沙爹牛肉意+香葱炒蛋配烟肉, 而友人就点左1个黑椒牛扒肠仔饭老老实实, 沙爹牛肉意真系有d失望, 完全做唔到茶记水准, 无个种味 - 唔得!香葱炒蛋配烟肉就几好~d蛋都几滑, 我又钟意食烟肉~加返分另外朋友既黑椒牛扒肠仔饭, 可能易整d, 真系做到外面既水准~几好食~~~(计返个价, 唔使$30, 包野饮, 好抵!)最后埋单唔使$60, 其实都几丰富, 几多野食~系铜锣湾黎讲~真系一个唔错既选择!
继续阅读
去完一日迪士尼乐园，晚上一行二十几人去打煸炉，一人一炉，任饮任食，连酱料都任装，要分四张枱，好墟冚，每人一锅清汤，再出去拣汤底，我调咗个蕃茄汤底，食物有出去拎，同用纸点，出去拎咗D大路嘢，丸，蔬菜菇，我对肉无乜兴趣(不过我又唔系食斋）蔬菜好新鲜!另外刺身（试咗三文鱼，带子1虾同象拔蚌）都几好，另又有串烧（试咗至爱的多舂鱼，菠萝，香肠）好味道，用纸叫嘅冰蚝，云吞水饺，都好味道，因为我喜欢食完蔬菜再渌肉类，会无咁肥，仲可以特价$10加一只大虎虾，正！一人一锅就有咁嘅好处，之后我食咗两杯雪榚，加埋芝麻胡！最开心系肥髀，任饮沙冰同食雪糕，大人160小朋友100，以咁嘅水准价钱OK，地方光猛，不过抽风一般，水蒸气抽唔晒，地下有啲滑，小朋友要小心！侍应服务殷勤快！
继续阅读
趁着农历新年假后与家人到这里的一人一锅午市打边炉，我们差不多2时才入座，进餐限时1个半小时，这里已是第二次光临了，因为在家中鲜有打边炉机会吗。午市才$52位，没有加一，家人也觉得抵食不错，除了在自选食物区自助取食材外，服务员落单及奉上了肉片一碟，可以选择牛肉或豚肉。我们便各自外出取食物，食物选择跟上次差不多，有绿叶蔬菜，菇类，根茎类有南瓜及白萝卜，若喜欢吃豆腐制品也有选择。不要以为这里全是素菜，当然也有其他肉类选择，肉丸类，鲩鱼肉件及冻鸡肉及猪柳条等等。汤底是清汤，大家可以在酱汁料区加料自行调味，而每台也放了一大胶勺的汤底，客人可以自行加添，也可省了人手吧。我自已不是食肉兽，所以多次取食材也以菇类及豆腐制品，整体食物也新鲜卫生，若怕不够吃饱，也有乌冬及即食米粉，但其实只吃碟肉及蔬菜，菇类，我也已经吃饱。饮品自助区有汽水及其他饮品，若喜欢吃点糖水，也有芝麻糊及杏仁茶，两种的味道也不错，很满足。90分钟的时限很快便到了，服务员还会走来提示先结帐。打边炉一人一锅，多菜少肉，又卫生又健康，下次可来试晚市吧。
继续阅读
本来想去海洋公园, 但系出到金钟发现落雨..最后改左去铜锣湾行街, 谂定夜晚食乜..想试hipot好耐, 咁岩铜锣湾就有间, 拿拿临打去book台, 可能系订得早, book 6点仲有位呢. 去到时无乜人, 5:30-6:30pm入座食平d, $138一位任饮任食唔驶加一, 限时两个钟, 所以一坐低就开返个炉跟手就剔野食, 点菜单得四张, 主要系分蔬菜水饺类, 肉类, 海鲜类同刺身类..一轮狂风梳落叶乜都剔d后后就递单, 之后出去打个转拎野饮..原来有得自己落调味落个火锅汤底度, 出面仲有丸类, 菜类, 菇类, 青口鱿鱼等等…款式都唔少呢, 另外任饮既包括汽水, 沙冰, 豆浆, 柠檬茶等…返埋位无耐就有野食…海鲜类: 海虾鲍鱼片象拔帆立贝螺片花胶仔等样样齐, 都几新鲜呢.刺身: 因人数俾你, 我地两个人下就除左三文鱼发配左两块之外, 其他每样一件…唔知填多d人数会唔会俾多d呢, 因为呢碟实在太袖珍啰, 好彩系三文鱼甜虾都鲜甜, 好味呢.肥牛: 火锅必备, 不过机削到好薄同好细块啰, 无左大块大块啖既滋味.黑豚青同牛肉滑: 前者好淋好味, 后者...系茶楼食山竹牛肉既味道.自己出去拎既一碟: 鱿鱼须金菇鱼蛋牛丸鱼同冻豆腐, 特别要试冻豆腐, 如果你本身整左个味浓既汤底既话, 佢就会索哂汤底味, 而且出去打边炉都唔系常食到呢样野, 值得推介.应该系鸡肉同encore牛丸: 鸡肉滑, 牛丸系黑椒牛丸, 所以都几香口, 不过食完会口干啰.生蚝同encore海鲜: 只生蚝系一旧冰咁上台…西洋菜: 冬天当造所以试下, 不过个样有d烂, 食落ok既.驼鸟肉: 唔知乜味..可以不试.黑豚肉片: 个样几靓, 食落..正常牛记雪糕杯: 食饱饱要食甜品, 牛记雪糕五只味之中试左四只(无食云呢拿味)
继续阅读