Gioia Charcoal Grill & Oyster Bar (已結業)

今日約咗媽咪嚟食lunch，由堅尼地城站行過嚟非常快。嚟到之後心諗，er乜得1個客嘅？有啲中伏feel...... 但實在非常攰，唔想再搵過另一間....呢度主打意大利菜式，有個炭爐燒扒，咁叫得oyster bar就當然要有個靚靚凍櫃啦，不過今日入面冇蠔嘅？set lunch有六個選擇，包沙律或湯、及飲品周打魚湯好耐冇飲過呢個湯！好足料，有魚柳、薯仔粒、洋蔥碎、西芹粒、紅蘿蔔粒、煙肉碎，啖啖都有好多料，正！但可能太足料，又係忌廉底，所以飲完都已經飽飽哋.....青蘋果沙律呢個似細個開party嗰款沙律，青蘋果好爽口，但個沙律醬就似乎落得重手咗啲澳洲盲鰽魚柳 炒雜菜 魚子忌廉汁 （＄118）由於係慢煮嘅關係，所以等咗好耐先有魚食；魚皮焗得幾脆，雖然冇魚腥味，但魚肉就鞋咗少少，有啲失望；不過驚喜位係魚子忌廉汁，鹹鹹哋又creamy，為舊魚加返好多分啦；旁邊嘅炒雜菜種類都算多，而且唔會炒得過淋安格斯牛漢堡 配 脆煙肉太陽蛋 （＄128）唔鍾意食煙肉，所以叫店員幫我走煙肉；香氣十足嘅牛肉夠厚身，入口鬆軟Juicy有嚼勁；太陽蛋煎得非常靚，但成日心諗，漢堡用太陽蛋，咁啲蛋汁咪會漏晒囉？旁邊嘅薯條