Honbo (裝修中)

位於灣仔日街有一間美式漢堡店Honbo，最近揚威國際，被 Bloomberg 選為「全球最佳漢堡2020」！呢度最大嘅特色就係本土製造嘅漢堡。所有食材由選料到烹調，全部都係由店家師傅親自主理。小食方面以薯條同甜薯為主。此外亦有販售多款手工啤酒，更有啤酒機現做Draft Beer。Double cheese burger ($138)有兩塊厚厚嘅4oz.漢堡扒，肉味濃郁帶少許牛臊味，雙層漢堡扒夠晒份量，咬下肉汁四溢，滋味無窮。再配上酸瓜、洋蔥、生菜、芝士等配料同埋自家製嘅特色醬汁，非常惹味。Honbo 1.5 ($128) 有三塊2oz.嘅漢堡扒，味道同cheese burger相近只係塊漢堡扒較薄，同埋冇生菜。芝士份量超多，啖啖都係香濃嘅芝士香味！😇食漢堡包點少得香脆可口嘅炸薯條！薯條偏油，芝士醬份量唔多，好在係即叫即炸外脆內軟。