影片
更多
2022-11-19
50 浏览
2022年11月6日 星期日見網上對呢間餐廳都有唔錯既評價，所以一早已經預約左呢日晏晝同老婆黎食去到坐低之後再睇返餐牌，發現有幾個唔同嘅套餐，除咗午市套餐之外，仲可以叫兵之膳，裏面包咗前菜、刺身、壽喜燒同茶碗蒸等等，菜式好豐富，又唔需要諗食咩，所以決定同老婆每人叫一個餐等左一陣，刺身就送到，分別有北海道帆立貝、深海池魚同拖羅，店員建議我哋由帆立貝開始食，之後食池魚再食拖羅，因為味道由淡到濃，帆立貝好彈牙，而且夠晒大粒，不過最驚喜嘅係拖羅，因為睇見紋理已經好靚，食落去真係入口即溶，雖然係有少少筋，不過唔算太難咬開之後有茶碗蒸，蒸蛋蒸得好滑溜，裏面仲有好多配料，例如魚蛋、冬菇、三文魚籽等等，每一啖嘅味道都好豐富，食完成個肚已經暖晒之後就有精選和牛肉眼同西冷，師傅拎出嚟既時候當堂嚇咗一跳，因為每一塊好大塊，而且脂肪嘅分布好平均，師傅話會用壽喜燒嘅方法燒熟呢一個係塩煎牛舌，厚身得黎又唔韌，上面仲有蘿蔔蓉可以解膩之後精選和牛肉眼就燒好左，燒得好香，食落去幸福感即時湧上塊面，牛肉味好濃郁，食完之後個口仍然殘留住牛肉嘅香味，肉同脂肪嘅比例好平均，所以質感好平衡跟住有日本黑豚西冷片，燒得岩岩好，唔會過
見網上對呢間餐廳都有唔錯既評價，所以一早已經預約左呢日晏晝同老婆黎食
去到坐低之後再睇返餐牌，發現有幾個唔同嘅套餐，除咗午市套餐之外，仲可以叫兵之膳，裏面包咗前菜、刺身、壽喜燒同茶碗蒸等等，菜式好豐富，又唔需要諗食咩，所以決定同老婆每人叫一個餐
等左一陣，刺身就送到，分別有北海道帆立貝、深海池魚同拖羅，店員建議我哋由帆立貝開始食，之後食池魚再食拖羅，因為味道由淡到濃，帆立貝好彈牙，而且夠晒大粒，不過最驚喜嘅係拖羅，因為睇見紋理已經好靚，食落去真係入口即溶，雖然係有少少筋，不過唔算太難咬開
之後有茶碗蒸，蒸蛋蒸得好滑溜，裏面仲有好多配料，例如魚蛋、冬菇、三文魚籽等等，每一啖嘅味道都好豐富，食完成個肚已經暖晒
之後就有精選和牛肉眼同西冷，師傅拎出嚟既時候當堂嚇咗一跳，因為每一塊好大塊，而且脂肪嘅分布好平均，師傅話會用壽喜燒嘅方法燒熟
呢一個係塩煎牛舌，厚身得黎又唔韌，上面仲有蘿蔔蓉可以解膩
之後精選和牛肉眼就燒好左，燒得好香，食落去幸福感即時湧上塊面，牛肉味好濃郁，食完之後個口仍然殘留住牛肉嘅香味，肉同脂肪嘅比例好平均，所以質感好平衡
跟住有日本黑豚西冷片，燒得岩岩好，唔會過熟之餘，黑豚味幾突出，醬汁同黑豚幾夾，食落去唔會太鹹
再黎有和牛西冷，感覺同和牛肉眼差不多，不過更加有咬口同更有濃烈既肉味，芋絲浸咗醬汁之後好好食，用黎送飯一流！！
跟住師傅將美國熟成肉眼牛同烏冬炒埋一齊，上面再加上芝麻，未食已經聞到好香，烏冬好幼滑同彈牙，熟成肉眼同和牛又真係好唔同，比較煙靭，但係冇想像中咁難咬開，脂肪唔算太多
食完主菜之後再飲個舞茸菇清湯，油膩嘅感覺即時解除，而且個湯真係好清新，有菇嘅清香
最後再黎埋甜品水信玄餅，裡面有櫻花，加埋醬汁，味道甜甜地，作為完結唔錯
埋單雖然有啲貴，不過係物有所值既，感覺好似係日本食左一餐咁！！
张贴
