影片
更多
2017-09-28
146 浏览
臨去旅行前有少少罪惡感，所以細妹同我都想同老爸老媽食餐飯。於是細妹問老媽子要唔要去番上次佢去唔到既餐廳，因為之前細妹同阿哥食過，番到來話可以帶番老媽子去。有兩位"試食員"咁滿意既答案，老媽子當然想去，所以今日就一於拉大隊去啦。細妹話之前兩人食叫唔到其他，今日四人去可以散叫下。但為咗老爸有飯下肚，所以都叫咗個飯餐:泰色鳳梨鮮蔬炒飯，係阿哥之前食過話好既。太多好嘢要放係第一位試，依個留咗係後面食，食既時因為放耐咗唔係好熱，所以無細妺講到咁好食，但相信熱食一定唔同講法啦。至於餡料都一樣係好多。而且老爸肯食兩次，代表個飯係得既。隻雞脾真係似到呢。老媽子都唔執輸叫咗個餐。佢要既係田園南瓜野菌忌廉燴扁意粉。又係好多料，好creamy，但無咩南瓜味，忌廉味濃。依個都係涼咗先食，但都係好好味，相信熱食一 定更好味！我同細妹就散叫啦。第一樣係蘆筍素香鬆苜宿芽手卷。香鬆苜宿芽蓋過蘆筍味。不過都係清新感覺。依樣真係驚為天人！黑金麻蓉包！外形已經好靚。熱辣辣食真係無得頂。個包好鬆軟，好濃芝麻糊味，直頭以為自己食緊最最經典既糊狀芝麻糊！依個係松露蘑菇包。個包都好鬆軟。入面松露唔算多，熱辣辣都好味。依個手作香酥卷
細妹話之前兩人食叫唔到其他，今日四人去可以散叫下。但為咗老爸有飯下肚，所以都叫咗個飯餐:泰色鳳梨鮮蔬炒飯，係阿哥之前食過話好既。
太多好嘢要放係第一位試，依個留咗係後面食，食既時因為放耐咗唔係好熱，所以無細妺講到咁好食，但相信熱食一定唔同講法啦。至於餡料都一樣係好多。而且老爸肯食兩次，代表個飯係得既。
隻雞脾真係似到呢。
老媽子都唔執輸叫咗個餐。佢要既係田園南瓜野菌忌廉燴扁意粉。又係好多料，好creamy，但無咩南瓜味，忌廉味濃。依個都係涼咗先食，但都係好好味，相信熱食一 定更好味！
我同細妹就散叫啦。第一樣係蘆筍素香鬆苜宿芽手卷。香鬆苜宿芽蓋過蘆筍味。不過都係清新感覺。
依樣真係驚為天人！黑金麻蓉包！外形已經好靚。熱辣辣食真係無得頂。個包好鬆軟，好濃芝麻糊味，直頭以為自己食緊最最經典既糊狀芝麻糊！
依個係松露蘑菇包。個包都好鬆軟。入面松露唔算多，熱辣辣都好味。
依個手作香酥卷食得有點麻煩。因為好大舊，一咬就會散，好彩有竹簽插住方便食。比起兩個包就普通咗d。但細妹講咗句似食緊北京扁皮鴨我又完全讚同喎。因為塊皮就係似個種皮，而醬料隻味直頭一模一樣！入面既配菜北京扁皮鴨都類同。差就差在扁皮鴨變咗塊假肉。我有理由懷疑佢係參考北京扁皮鴨做法既！
兩個餐係包湯同沙律。依個湯老爸飲晒，代表好飲。因為平時佢飲幾口就會唔要！而且真係好似細妹咁講，好糊仔好濃好好味。
藜麥鮮蔬沙律配鮮柚子意大利黑醋汁酸咪咪好開胃又健康，老媽子一個人食晒。
飲品係檸檬蜂蜜生薑茶，要飲到尾先有薑味，可能搞得唔混。
加咗個甜品：山梨白桃雪葩。上次阿哥話好味，我都要試，真係好似食緊日本又大又甜既水蜜桃。
最係睇餐單睇價錢啦。
题外话/补充资料：
原本細妹都要咗個甜品，但等咗好耐都未來，問咗原來仲未整，咁就取消佢啦。佢哋有不停道歉，但其實明白多人會係咁，只不過老爸唔等得，我哋要走啫。
(以上食记乃用户个人意见 , 并不代表OpenRice之观点。)
张贴
