影片
更多
2022-09-09
625 浏览
太掛住日本，就自然會食壽司，串燒，又或者係居酒屋，好少會話不如去食大阪燒，你有冇試過突然會想食下呢樣野呢？如果有，我推薦下你黎中環呢間Benkei Okonomiyaki Teppanyaki。呢間餐廳bookmark左一段時間，啱啱喺中環返工本身有一日諗住喺度食晏，不過可惜撞正落大雨就冇去到。星期六時間比較充裕，不如就嚟呢度慢慢食，主力食大阪燒嘅店真心不多，聽講呢間係全日本人主理，非常正宗，做過下功課，蕃茄水牛芝士大阪燒同免治雞肉燒係必食，海膽和牛蒜香炒飯又係人人都點，基本上都唔使點諗食乜嘢。最正喺呢度晏晝一點已經有Happy hour，啤酒買一送一，淨係呢度已經夠吸引，一人一杯，非常好。叫你一個小食，店員推薦，whitebait chive，說穿了就係菠菜，蛋黃同魚仔，但係撈埋一齊意想不到咁好食。大阪燒就見得多，但係比較少會見到雞肉燒，坐低後即刻將一舊免治雞肉喺你面前即刻煎熟，加上勁多切得好細嘅蔥花，喺你面前添上嘅沙律醬，就咁就食得。呢舊嘢出奇地好好食，平時通常都會以蔬菜為主，但係呢舊成件都係肉，雖然我比較喜歡食菜，同埋一路食大阪燒嘅感覺都係以菜為主，但呢度嘅雞肉入面有唔少好有咬口
呢間餐廳bookmark左一段時間，啱啱喺中環返工本身有一日諗住喺度食晏，不過可惜撞正落大雨就冇去到。
星期六時間比較充裕，不如就嚟呢度慢慢食，主力食大阪燒嘅店真心不多，聽講呢間係全日本人主理，非常正宗，做過下功課，蕃茄水牛芝士大阪燒同免治雞肉燒係必食，海膽和牛蒜香炒飯又係人人都點，基本上都唔使點諗食乜嘢。
最正喺呢度晏晝一點已經有Happy hour，啤酒買一送一，淨係呢度已經夠吸引，一人一杯，非常好。
叫你一個小食，店員推薦，whitebait chive，說穿了就係菠菜，蛋黃同魚仔，但係撈埋一齊意想不到咁好食。
大阪燒就見得多，但係比較少會見到雞肉燒，坐低後即刻將一舊免治雞肉喺你面前即刻煎熟，加上勁多切得好細嘅蔥花，喺你面前添上嘅沙律醬，就咁就食得。
呢舊嘢出奇地好好食，平時通常都會以蔬菜為主，但係呢舊成件都係肉，雖然我比較喜歡食菜，同埋一路食大阪燒嘅感覺都係以菜為主，但呢度嘅雞肉入面有唔少好有咬口嘅雞軟骨，真心精彩。
蕃茄水牛芝士大阪燒，之前從未見過呢一種款式，蕃茄水牛夾芝士當然係一個好經典嘅配搭，但係放落大阪燒度又係一回乜嘢事呢？食完之後你一定會話好，外皮煎到好脆，而且芝士嘅拉絲亦都令人會覺得好吸引。
尾聲嘅海膽和牛蒜香飯，先用和牛同蒜香炒熟，然之後再加落個炒飯度，淨係師傅喺你面前表演都已經夠賞心悅目，尾聲再加上好凍嘅北海道海膽，成件事非常完美。
张贴
