影片
更多
2016-10-24
4240 浏览
呀媽生日再加上難得放到假，當然想一家人一齊出去食餐好。而且媽媽偏好廣東菜式，唔想成日去酒樓慶生咁悶咁死板，搵黎搵去先搵到間廣東私房菜，我地都係第一次食私房菜，就係依間「御膳」。..............................地點位於觀塘工廠區，好少去工廠地方食飯，位置偏僻但唔算難搵。環境比較簡樸，都係得大圓枱同木櫈，入夜後人流較多。點菜後等十來分鐘就開始上菜：）..............................－ 砂鍋大魚頭豆腐湯；湯既部份我簡左魚湯，材料十足，奶白色既魚湯好鮮甜，魚湯由黑色大砂鍋餚製而成，裡面有勁香滑既豆腐！呀哥平日唔點食魚都讚依個魚湯好飲，味道唔腥又鮮香。飲過魚湯後仲有魚頭慢慢啜，依件咁神聖既事當然留比媽媽：Ｄ..............................魚湯剛上已幫我地分好一碗碗湯，服務不錯！..............................魚湯入面既豆腐好滑溜，同出面街市買番黎既豆腐冇得比！可以話係溶入口中。..............................分好晒份量，大家唔洗夾黎夾去，方便好多：ｐ....
而且媽媽偏好廣東菜式，唔想成日去酒樓慶生咁悶咁死板，
搵黎搵去先搵到間廣東私房菜，我地都係第一次食私房菜，就係依間「御膳」。
..............................
地點位於觀塘工廠區，好少去工廠地方食飯，位置偏僻但唔算難搵。環境比較簡樸，都係得大圓枱同木櫈，入夜後人流較多。
點菜後等十來分鐘就開始上菜：）
..............................
－ 砂鍋大魚頭豆腐湯；湯既部份我簡左魚湯，材料十足，奶白色既魚湯好鮮甜，
魚湯由黑色大砂鍋餚製而成，裡面有勁香滑既豆腐！
呀哥平日唔點食魚都讚依個魚湯好飲，味道唔腥又鮮香。
飲過魚湯後仲有魚頭慢慢啜，依件咁神聖既事當然留比媽媽：Ｄ
..............................
魚湯剛上已幫我地分好一碗碗湯，服務不錯！..............................
魚湯入面既豆腐好滑溜，同出面街市買番黎既豆腐冇得比！可以話係溶入口中。..............................
分好晒份量，大家唔洗夾黎夾去，方便好多：ｐ..............................
－ 香芒沙律大蝦球；慶生當然要「全包宴」，以香芒沙律大蝦球做前菜，先水果沙律再入戲肉。
廚房好貼心，沙律已經幫我地平分好五份，一人一份唔怕唔平均，
每份沙律都會有一隻大蝦球做伴菜，雖然沙律先係主角，
但蝦球好彈牙，雖然沾左沙律醬依然微脆，而個沙律都調得幾好，
生果新鮮，而且有大大粒藍莓好dum本，個味道唔會太酸或太甜。
..............................
－ 蒜蓉粉絲蒸蟶子皇；平日食開酒樓小菜都唔敢嗌蟶子皇，最怕係呃秤份量又唔夠，
而依間係每隻計，出到黎每隻蟶子皇大細好平均，而且長度有成呀媽隻手掌咁長，
一上菜已經蒜味充斥，食左一輪終於可以開大餐～
蟶子皇面頭佈滿蔥花同炸蒜，調製味道香口突出，而隻蟶子味道蒜香味濃郁，
蒸蟶子皇保留左佢本身既鮮味，而且口感夠晒煙韌彈牙，可以話係味蕾上既享受：Ｄ
..............................
蟶子皇每隻份量十足，平人好少食到咁大隻既蟶子！！..............................
蟶子皇除左炸蒜同蔥花，仲有就係粉絲，主要撼左係底部，而蒸後既蟶子湯汁都會流係底部，而粉絲就岩岩好可以吸收左蟶子既湯汁同蒜蓉既調味汁，所以唔好忽略呀HAHA
..............................
－ 避風塘炒大肉蟹；問過員工避風塘會唔會好辣，而佢地話唔會好辣，因為要適應番唔同人既需要，
之前都有啲擔心避風塘會辣，因為屋企人食唔到，但想嗌避風塘既原因係佢夠香口！
而店員都冇呃我地，果然辣度唔算高，微微辣而香口，而大肉蟹既肉質有啲似魚。
..............................
蟹膏唔算多，志在啜下啲味，炒避風塘係個唔錯既選擇。..............................
蟹鉗會係最多肉，而蟹腳比起其他都係啖啖肉，肉質肥厚，ＧＯＯＤ～..............................
－ 芙蓉蛋白老虎班；同樣係已經幫我地斬晒件，老虎班底下係芙蓉蛋，魚個肉質嫩滑多肉，
老虎班有淡淡既蛋香味，唔洗豉油都已經好夠味，確係唔錯～
..............................
不過蛋白可能要就番魚既時間黎蒸，對比之下有啲蒸耐左既感覺。..............................
－ 大蜆燉蛋；燉蛋蒸得幾滑溜，對比起芙蓉蛋更滑，而燉蛋有淡淡既鮮味，
蜆肉口感煙韌，蜆肉既肉汁溢出，一邊食既時間可以連埋燉蛋一齊食，
而且燉蛋上面淋左少少鼓油，味道更加突出，蛋香味更濃。
..............................
大蜆夠晒大隻肥厚，不過蜆肉會比較痴殼，要花D陰力去抆開佢..............................
－ 士多啤梨骨；好新奇，出面比較少有既士多啤梨骨，製法同酸醋排骨有啲相似，
而佢地就用左士多啤梨黎做調味，醬汁個味食得出唔係增味劑，
係新鮮士多啤梨既酸味，食落去一口下個味道有啲似榴槤糖，
但之後就係酸酸微微既味覺，而排骨個肉質都幾爽，不錯！
..............................
－ 半隻金華玉樹雞；賣相真係十分吸引，每件雞上面都有一塊金華火腿，
利用菜心黎分隔每件雞，所以道菜式唔會單係得ｄ雞咁單調，
而且個汁令到每件雞都充滿色澤，相當不錯～
啖啖肉已經不在話下，一啖咬落去既時侯；肉汁溢出，
佢個汁令到ｄ雞甜甜地，而且配合少少咸味既金華火腿，開胃得黎又易入口～
食左幾件之後仲可以食返條菜中和下～ 唔會齋食肉咁唔健康，
份量亦都幾足夠，讚
..............................
－ 上湯浸時菜；時菜係西蘭花再配雜菇，份量足夠，西蘭花浸至半軟半硬，食落爽口岩岩好，
食左咁多海鮮要清一清個腸胃，所以嗌個時菜實冇死，而且落單果眇可以問家先。
..............................
－ 西瓜盅；最後仲有個重頭戲，超有份量既西瓜盅！除左西瓜之外仲有青提、藍莓、奇異果、草莓作襯托，
可以話係五臟俱全，舊舊西瓜都圓碌碌大大件，每舊都係即刻刮出黎，
西瓜鮮瓜勁多汁！好似飲緊西瓜汁，係一個非常有份量既西瓜盅。
..............................
整體黎講，食物方面好滿意，差唔多每樣都好有水準，
對於我地食開廣東菜既人黎講，已經覺得滿分，菜式配搭有心思，
同埋好欣賞廚房幫我地分好晒份量，唔洗我地自己整得咁辛苦，值得一去：Ｄ
..............................
张贴
