鬼金棒

营业中

休息中

最近終於約得返朋友M出黎同我食飯啦，因為佢呢排連續幾個禮拜返夜晚都好chur下，所以今日好彩夾岩時間先約到佢出黎咋。今次我地去左銅記食拉麵，間野個名叫鬼金棒，其實聽名都大概估到同地獄有關，而會聯想到拉麵都可能會有返咁上下辣。我地即管試下係咪真係咁辣，同埋唔食得辣嘅人可唔可以食到呢。入到黎間店，店員話我地知要用手機點餐，其實都幾好，起碼唔使用紙，比較環保。最重要嘅係辣度同麻度都可以自己揀，唔食得辣嘅朋友都可以放心黎食啦。呢次我叫左增量叉燒x2辣麻味噌拉麵，碗野真係好多料，叉燒係好大舊，但係食落夠淋易入口，而且好入味，我未試過食叉燒會食得咁開心。之後我另外再加多個肉飯，其實個麵本身都夠飽，只不過我想嗌個飯倒落去個拉麵湯度一齊食，又係另一番風味。